ဖိလိပ္ပိသြဝါဒစာ ၄

၈။ သဟဇာတရှိခြင်း၊ အပြန်အလှန်ကူညီခြင်း၊ ပျော်ရွှင်ခြင်း၊ စိတ်ရှည်သည်းခံခြင်း၊ ဆုတောင်းခြင်းနှင့် စနစ်တကျရှိသောအသက်တာ  (:)

          : အထက်ပါကျမ်းပိုဒ်တွင် ယုံကြည်သူများ လည်တဆန့်ဆန့်၊ ခေါင်းတမော့မော့ထားရှိသည်။ နိုးကြွသော မျှော်လင့်ချက်ပေးခဲ့သည်။ ယခုအပိုဒ်တွင်မူ သခင်ဘုရား၌ တည်နေကြဖို့ တိုက်တွန်း နှိုးဆော်ထားသည်။ ယုံကြည်သူများ အသက်တာတွင် ရင်းနှီးယုံကြည်သူများ အသက်တာတွင် ရင်းနှီးဖော်ရွေစွာ နာမည်ခေါ်သည်။ ပထမဦးစွာ ညီအကိုတို့ ဟု မျှသာမကဘဲ ချစ်သောညီအကိုတို့ ဟုခေါ်ထားသည်။ ထို့အပြင် လွမ်းဆွတ်သတိရကြောင်း တဖန်အလွမ်းသယ်လိုက် သေးသည်။ ဖိလိပ္ပိသားများသည် တမန်တော်ကြီး၏ ပျော်ရွှင်မှုသရဖူဖြစ်သည်ဟု တင်စားထားသည်။ မျက်မှောက်ကာလတွင် တမန်တော်ကြီး၏ပျော်ရွှင်ခြင်းနှင့် ခရစ်တော်ရှေ့တွင် ဦးရစ်သရဖူ ဖြစ်ကြမည့်အကြောင်း ယုံမှားစရာမရှိပါ။ ကျမ်းပိုဒ် အဆုံးတွင် ချစ်သောညီအကိုတို့ ဟု အဆုံးသတ်ထားသည်။ စင်စစ် ဖိလိပ္ပိသားများသည် တမန်တော်ကြီး၏အချစ်တော်နှင့် သခင်ဘုရားရှေ့၌ သက်သေပြသရာများဖြစ်သည်။

: ဧဝေါဒိနှင့် သုန္တုတ်တို့သည် ဖိလိပ္ပိအသင်းတော်တွင် ကာလကြာရှည်လက်တွဲလာကြသော အမျိုးသမီးများ ဖြစ်သည်။ ယခုထိုသူနှစ်ယောက် မသင့်မတင့်ဖြစ်နေကြသည်။ ဖြစ်နေကြသည့် အကြောင်းရင်းကိုမူ မသိရပါ။ တမန်တော်ကြီး က ထိုအမျိုးသမီးများကို သခင်ဘုရား၌ စိတ်တူကိုယ်တူ ရှိကြဖို့ဆိုသည်မှာ အမှန်မလွယ်ကူပါ။ သို့သော်လည်း သခင်ဘုရား ပါရှိလျှင် အသေးအဖွဲကိစ္စများသာ ဖြစ်သည်။ မတူခြားနားမှုများသည်လည်း အမှုတော်မြတ်၌ တူညီသွားကြပါသည်။

: ထိုသူများကို လုပ်ဖော်ဆောင်ဖက် (ထမ်းပိုးထမ်းဘက်၂ဝ)ဟု သုံးနှုန်းထားသည်။ တိမောသေနှင့် လုကာကို ရည်ညွှန်းခြင်းဖြစ်သည်။ သို့သော် အထူးသဖြင့် ထိုအမျိုးသမီးများနှင့်အတူ ရှင်ပေါလု အမှုတော်ဆောင်ခြင်းတွင် ပါဝင်သော ဧပဖြောဒိတ်ကို အဓိကရည်ညွှန်းခြင်းဖြစ်သည်။ ထိုအမျိုးသမီးနှစ်ဦးသည် ရှင်ပေါလုအား အကြံကောင်း၊ ဉာဏ်ကောင်းပေးနိုင် သူများ၊ အတွေ့အကြုံရှိသူများဖြစ်သည်။ မကြာခဏ စကားများ၊ ကတောက်ကဆဖြစ်သူများသည် ကြားလူက စေ့စပ်ဖြန်ပြေ ပေးခြင်းဖြင့်သာ ရန်ငြိမ်းရှိသည်။ အချို့က ရင့်ကျက်ကြပြီး အချို့သည် ဝိညာဉ်ရေးရာစီရင်မှုကို ခံယူနိုင်သည်။ ထိုကိစ္စမျိုးတွင် ယတိပြတ်ဝင်ရောက်ဆုံးဖြတ်ခြင်းထက် နှုတ်ကပတ်တော်ဖြင့် စီရင်ခြင်းက ပိုမိုသင့်မြတ်သည်။ ထို့ကြောင့် တမန်တော်ကြီးကလည်း ထိုပြဿနာကို သမ္မာတရားတော်နှင့်ယှဉ်၍ ကိုင်တွယ်ခြင်းဖြစ်သည်။

ရှင်ပေါလုစကားကို နားထောင်ကြည့်ကြရအောင်။ သူတို့သည် သတင်းကောင်းကျေညာရာတွင် ငါနှင့်အတူ ကြိုးစားအားထုတ်သူများဖြစ်၏ဟုဆိုထားသည်။ ထိုစကားသည် ရှင်ပေါလုနှင့်အတူ ဧဝံဂေလိတရားလိုက်ဟောကြ သည်ဟု စကားချဲ့စရာမဟုတ်။ အမှုတော်တွင် အမျိုးသမီးများ ကဏ္ဍများစွာ ရှိပါသည်။ ခရစ်တော်၏အစေခံများအား ခရီးဦးကြိုဧည့်ဝတ်ပြုခြင်း၊ အမျိုးသမီးငယ်များနှင့် ကလေးသူငယ်များ လှည့်လည်သွန်သင်ခြင်းများ ပြုနိုင်သည်။ သို့သော် လူစုလူဝေးအား သွန်သင်ခြင်း၊ ဒေသနာဟောကြားခြင်းမပါ။

နောက်လုပ်ဖော်ဆောင်ဖက်တပါး ကလေမင်၏အမည်ကို ထုတ်ဖော်ပြသထားသည်။ သူ့အကြောင်းကို ထိုထက်ပို မသိရပါ။ ရှင်ပေါလုက အသက်စာရင်းတွင် နာမည်စာရင်းပါရှိမည့်လုပ်ဖော်ဆောင်ဖက်များကို ထုတ်ဖော်ခြင်းသာဖြစ်သည်။ လုပ်ဖော်ဆောင်ဖက်မိတ်သင်္ဂဟများကို ထုတ်ဖော်ဂုဏ်ယူခြင်းသည် အမှုတော်မြတ်၌ မင်္ဂလာတပါးဖြစ်ပါသည်။

: တဖန်အသင်းတော်အား တိုက်တွန်းနှိုးဆော်ထားသည်။ ရှင်ပေါလု၏အကြိုက်ဆုံး လက်သုံးစကားဖြစ်သော သခင်ဘုရား၌ အစဉ်ဝမ်းမြောက်ကြလော့ ဟုဆိုထားသည်။ လောကကမ္ဘာ တကယ်မျှပင် မှောင်မိုက်နေစေကာမူ ခရစ်ယာန် များသည် သခင်ဘုရား၌ ဝမ်းမြောက်ကြရမည်။

ခရစ်ယာန်များ ဝမ်းမြောက်ခြင်းအကြောင်းကို Jowett က ဤသို့ဆိုထားသည်။

ခရစ်ယာန်များ၏ ပျော်ရွှင်ခြင်းသည် စိတ်အာရုဏ်မှ ပေါ်ပေါက်လာခြင်းဖြစ်သည်။ အကယ်၍ ပတ်ဝန်းကျင် အခြေအနေကြောင့် ပျော်ရွှင်ခြင်းဖြစ်လျှင် လေတိုက်သည့်အချိန်တွင် ဖယောင်းတိုင် ထွန်းထားသကဲ့သို့ ဖြစ်မည်။ ခဏတဖြုတ်တွင် ပြန်ငြိမ်းသွားမည်။ ခရစ်ယာန်များပျော်ရွှင်ခြင်းသည် ဘဝပတ်ဝန်းကျင်နှင့် မဆိုင်။ ပတ်ဝန်းကျင်က မထိခိုက်နိုင်။ ထို့ကြောင့် ရွေ့လျားပြောင်းလဲနေသော နေ့ညကာလများက မနှောင့်ယှက်နိုင်။ အခြေအနေအချိန်အခါသည် တခါတရံ နွေလယ်နေကဲ့သို့ဖြစ်သည်။ တခါတလေတော့လည်း ဆောင်းနှင်းနံနက်ခင်းကဲ့သို့ ဖြစ်သည်။ တစ်နေ့တွင် ပျော်ရွှင်စွာမင်္ဂလာ ဆောင်ပြီးနောက် တစ်နေ့တွင် သင်္ချိုင်းကုန်းသို့လည်း ရောက်နိုင်သည်။ တရက်တွင် လူ(၁ဝ)ဦး ခရစ်တော်ထံသို့ ပို့ဆောင်နိုင်သကဲ့သို့ တကိုယ်တော်အထီးကျန်ရက်များလည်းရှိသည်။ ဘယ်သောအခါမှ မပိုင်စိုးနိုင်ပါ။ မှန်ပါသည်။ လူ့ဘဝသည် ရာသီကာလကဲ့သို့ အစဉ်အမြဲပြောင်းလဲနေသည်။ သို့သော် ခရစ်ယာန်များ ပျော်ရွှင်ခြင်းကိုမူ သွားရောက်မထိပါးစေနိုင်ပါ။ ထိုပျော်ရွှင်ခြင်း၏လျှို့ဝှက်ချက်ကား အဘယ်နည်း။၂၁

အဖြေစကားကား ဤသို့တည်း။

ငါသည် သင်တို့နှင့်အတူ အစဉ်အမြဲရှိသည်ဟူသော သခင်ဘုရား၏ စကားတော်ဖြစ်သည်။ အချိန်ရာသီတစ်ခုလုံး ရွေ့လျားပြောင်းလဲနေသော်လည်းကိုယ်တော်သည် ပြောင်းလဲခြင်းမရှိ၊ မောပန်းခြင်းမရှိအချိန်ရာသီကိုလည်းမမှု။ အမှောင်ထဲတွင်၎င်း၊ အအေးဒဏ်ထဲတွင် ပစ်မထား၊ ငါအောင်မြင်သောနေ့ရက်ကို မရွေးချယ်ပေးသော်လည်း ဆင်းရဲပျက်စီးမည့် နေ့ရက်ကို မရွေးချယ်ပေးသော်လည်း ဆင်းရဲပျက်စီးမည့်နေ့ရက်ကိုမထား။ ကိုယ်တော်ကိုမမြင်ရသော်လည်း ပန်းကုံးစွပ်၍ ဓမ္မသရဖူဆောင်းရသောအခါ အထံတော်သို့ဝင်ရောက်ကြောင်း နားလည်ရသည်။ ကိုယ်တော်သည် ကျွန်ုပ်နှင့်အတူနေ့ရက်စဉ်တိုင်းရှိတော်မူသည်။ အောင်ပွဲခံသောနေ့မှစ၍ သင်္ချိုင်းကုန်းမှ ခေါင်းလောင်းခေါက်ရသည့်နေ့ရက်တိုင်အောင် ရှိနေသည်။နေ့ရက်စဉ်တိုင်းဘဝနေ့ရက်တိုင်း၊ သင်္ချိုင်းကုန်းနေ့ရက်၊ တရားစီရင်ရာနေ့ရက်တိုင်အောင် အတူရှိနေသည်။၂၁

            : တခါ ဖိလိပ္ပိသားများ၏ ယဉ်ကျေးသိမ်မွေ့ခြင်းကို အခြားသူများအား ပြသခိုင်းသည်။ ယဉ်ကျေး သိမ်မွေ့ခြင်းသည် စိတ်ပါဝင်စားခြင်း၊ ချိုသာသောအကျိုးအကြောင်းပြခြင်းနှင့် တပါးသူအား လိုလားဦးစားပေးခြင်း ဖြစ်သည်။ ဤစကားနှင့်ပတ်သက်၍ နားမလည်ရှိမည်မထင်ပါ။ သို့သော် တစ်ခုရှိသည်မှာ လူတိုင်းအား ဂရုစိုက်အလေး ပေးခြင်းဖြစ်ကြောင်းကို မမေ့ကြနှင့်။

သခင်ဘုရားသည် ရောက်လုနီးပြီးဆိုသည်မှာ သခင်ဘုရားကြွရောက်ဖို့ အချိန်နီးကပ်နေပြီ။ လာဖို့ပြင်ဆင်ပြီး အဆင်သင့်ဖြစ်နေပြီဟု ဆိုလိုသည်။

: မည်သည့်အရာကမှ စိတ်ပူပန်ခြင်းမရှိကြဟု ဆိုထားပါသည်။ မှန်ပါသလား။ ယုံကြည်စွာဆုတောင်းခြင်း အပေါ်တွင် မူတည်ပါသည်။ အသက်တာအား အပြစ်နှင့် ကင်းစင်မှုနှင့် သက်ဆိုင်ပါသည်။ ဆုတောင်းခြင်းဖြင့် အရာခပ်သိမ်းကို ပြောင်းလဲစေနိုင်ပါသည်။ ကိုယ်တော်အတွက် ကြီးမားသော သို့မဟုတ် သေးငယ်သောအမှုအရာဟူ၍ ခွဲခြားခြင်းမရှိပါ။ အရာခပ်သိမ်းသည် တန်းတူရည်တူ၊ ဂုဏ်ရည်တူ သခင်ဘုရားက ချစ်ခင်ပါသည်။

ဆုတောင်းခြင်းသည် အပြုအမူ၊ ပတ်ဝန်းကျင်နှစ်ခုစလုံးနှင့် သက်ဆိုင်သည်။ သခင်ဘုရားရှေ့တွင် ငြိမ်သက်စွာ တိုးဝင်ချဉ်းကပ်၍ တည်ငြိမ်စွာဆုတောင်းရမည်။ ဆုတောင်းရာတွင် ပတ်ဝန်းကျင် အခြေအနေကိုလည်း ရွေးတတ်ရသည်။ စိတ်နှလုံးခံစားချက်အပြည့်အဝဖြင့် ဆုတောင်းရသည်။ ဤကျမ်းပိုဒ်ပါ ဆုတောင်းခြင်းသည် မည်သည့်နေရာ အချိန်အခါ တွင်မဆို ဆုတောင်းခြင်းကို ဆိုလိုသည်။ စိတ်နှလုံးတည်ငြိမ်စွာဖြင့် အစဉ်ဆုတောင်းရမည့်အကြောင်း သွန်သင်ထားသည်။

ဆုတောင်းရာတွင် သခင်ဘုရားအား ကျေးဇူးချီးမွမ်းရသည်။ ဆုတောင်းခြင်းနှင့်ပတ်သက်၍ ဆရာတော်တပါးက ”စိုးရိမ်ပူပန်ခြင်းအလျဉ်းမရှိနှင့်၊ အရာခပ်သိမ်းအတွက် ဆုတောင်းပါ။ ဖြစ်သမျှအကြောင်း ကျေးဇူးတော်ချီးမွမ်းပါ” ဟု ဆို သည်။

          : ထိုသို့ပြုလျှင် အဘယ်သူမျှကြံ၍ မမှီနိုင်သော ဘုရားသခင်၏ ငြိမ်သက်ခြင်းသည် ယေရှုခရစ်အားဖြင့် သင်တို့၏စိတ်နှလုံးတို့ကို စောင်မလိမ့်မည်။ ဘုရားသခင်၏ငြိမ်သက်ခြင်းဆိုသည်မှာ မြင့်မြတ်စင်ကြယ်ခြင်းဖြစ်၍ အမှုတော်၌ပင်ပန်းစွာ လုပ်ဆောင်သူများအပေါ် စီးဆင်းသည့် ဝိညာဉ်ရေးရာ မင်္ဂလာတရားဖြစ်သည်။

ယေဟောဝါဘုရားရှင်တော်ထံတည်လျှင်

            ရင်ထဲမှာကောင်းကြီးမင်္ဂလာပြည့်လျှံမည်။

            ကတိတော်အတိုင်း၊ ပြည့်စုံသောငြိမ်သက်ခြင်း

            အနားယူခြင်း ရှာတွေ့လိမ့်မည်။

                                                Frances Ridley Havergal

            ယုံကြည်သူခရစ်ယာန်များသာ နားလည်ခံစားစေနိုင်သော ထိုငြိမ်သက်ခြင်းကို လောကသားများသည် နားလည်နိုင် ကြသည်မဟုတ်။ အခက်အခဲကြုံတွေ့သည်။ မမျှော်လင့်သော ပြဿနာကြီး ပေါ်ပေါက်လာသည့်အခါမှသာ စိုးရိမ်တကြီး ဘုရားတမ်းတကြသည်။

ဤငြိမ်သက်ခြင်းသည် နှလုံးသားမှအစပြု၍ ဘဝတစ်ခုလုံးသို့ ယိုစီးသွားသည်။ စိတ်ပျက်ဖွယ်ကောင်းသော၊ ဝမ်းနည်း ဖွယ်ကောင်းသော၊ အလိုမကျနိုင်သော၊ ဖိစီးနှိပ်စက်မှုများသာ ယနေ့ခေတ်ပျက်ကြီးကာလတွင် ငြိမ်သက်ခြင်းရှိဖို့ အဘယ်မျှ လိုအပ်ပါသနည်း။

: ဤအပိုဒ်တွင် တရားစကားဆိုထားသည်။ မနောကံကိုလည်း ထိန်းသိမ်းရမည့်အကြောင်း ဖော်ပြထားပါသည်။ မကောင်းသောအကြောင်းဖြစ်သည်။ အကျိုးရှိမည့်အရာကိုသာ တွေးတောကြံစည်ရသည်။ ပေါ်လွင်ထင်ရှားသော အကျိုး သက်ရောက်မှုကိုသာ ကြံဆရသည်။ လူသည် ယေရှုအကြောင်းကို ချီးမွမ်းနေသည့်အချိန်တွင် အခြားတဘက်တွင် အချည်းနှီး အရာများကို မစဉ်းစားရပါ။ အကယ်၍ အရေးမပါအရာမရောက်သော အတွေးစများ ဝင်ရောက်လာလျှင်လည်း ခရစ်တော်ကို အာရုံပြုခြင်းဖြင့် ဖယ်ရှားပစ်လိုက်ပါ။ စိတ်ပညာရှင်များနှင့် စိတ်ရောဂါရှင်များကလည်း ထိုအကြောင်းနှင့်ပတ်သက်၍ ရှင်ပေါလုကို ထောက်ခံကြသည်။ မကောင်းဘက်မှ စိုးရိမ်တွေးတောခြင်းသည် ဘဝ၏အန္တရာယ်ကြီးဖြစ်သည်။

အခန်းငယ်(၈)ကို နီးနီးကပ်ကပ်သေချာစွာကြည့်ရှုလျှင် သမ္မာတရားနှင့်ဆိုင်သောအကျင့်၊ လျှောက်ပတ်သောအကျင့်၊ ဖြောင့်မတ်သောအကျင့်၊ စင်ကြယ်သောအကျင့်၊ သူတပါးနှစ်သက်ဘွယ်သောအကျင့်၊ ချီးမွမ်းဖွယ်သော အကျင့်အားလုံးသည် သခင်ယေရှု၌ ပြည့်စုံကြောင်းတွေ့ရမည်။ သမ္မာတရားဆိုသည်မှာ အတုအပမရှိ။ စိတ်မချစရာမရှိသော သမ္မာတရား ဖြစ်သည်။ လျှောက်ပတ်သောတရားဆိုသည်မှာ ကိုယ်ကျင့်သိက္ခာကောင်းမွန်ခြင်း၊ လေးစားလောက်ခြင်းဖြစ်သည်။

ဖြောင့်မတ်ခြင်း ဆိုသည်မှာ အကျင့်စာရိတ္တမြင့်မြတ်ခြင်း၊ လူ့ဘက်တွင်၎င်း၊ ဘုရားသခင်ဘက်တွင်၎င်း ကြည်ညို ခြင်းကိုဆိုလိုသည်။ စင်ကြယ်သောအကျင့် ဆိုသည်မှာ အသက်တာတလျှောက်တွင် စိတ်သဘောထားမွန်မြတ်ခြင်း ဖြစ်သည်။ နှစ်သက်ဖွယ်သောအကျင့် ဆိုသည်မှာ အခြားသူများ ကျေနပ်အားရဖွယ်ရာ ချစ်ခင်ဖွယ်ရာအပြုအမူရှိခြင်း ဖြစ်သည်။ ကောင်းသောသတင်းဆိုသည်မှာ မင်္ဂလာရှိသော သတင်းစကား ပြောဆိုခြင်းဖြစ်သည်။ ပါရမီတပါးပါးဆိုသည်မှာ စိတ်သဘောထား ပြည့်ဝစွာ ပြောဆိုခြင်း၊ ချီးမွမ်းပြောဆိုတတ်သောစကားဖြစ်သည်။

အပိုဒ်ငယ်(၇)တွင် ယုံကြည်သူများသည် ယေရှုခရစ်တော်အား စိတ်နှလုံးအကြွင်းမဲ့ဖြင့် တည်မှီရမည်ဟုဆိုထားသည်။ ထို့အပြင် တည်မှီရုံသာမက မိမိကိုယ်တိုင်လည်း လိုက်လျှောက်ဖို့ ထပ်မံသတိပေးထားသည်။ စိတ်ကောင်း၊ နှလုံးကောင်း မပါသော အတွေးအကြံကို ဘုရားသခင်က မစခြင်းမပြုပါ။

: တဖန်ရှင်ပေါလုက သူ့ကိုယ်သူသန့်ရှင်းသူအဖြစ် ခံယူထားသည်။ ယုံကြည်သူများကို တမန်တော်ကြီးရှင်ပေါလု အသက်တာ တွေ့မြင်ကြရသည့်အတိုင်း လက်တွေ့လျှောက်လှမ်းဖို့ တိုက်တွန်းနှိုးဆော်ထားသည်။ ဤအချက်သည် အခန်းငယ်(၈)တွင် လက်တွေ့ဘဝမှာ လိုက်နာ ကျင့်ကြံစေခြင်း ဖြစ်သည်။ အတွေးမှန်မှ ဘဝမှန်မည်။ စင်ကြယ်စွာတွေး ခေါ်လျှင် ဘဝသည်လည်း စင်ကြယ်မည်။ အခြားတဘက်တွင် ပျက်စီးခြင်းအကြောင်း တွေးခေါ်သူသည် ညစ်ညမ်းသောရေစီး ကြောင်းထဲသို့ မျှောပါသွားမည်သေချာသည်။ မကောင်းသောအရာများ တွေးပါများသူသည် မကြာသောကာလတွင် ထိုအတွေးဆိုးထဲသို့ လိုက်ပါသွားမည်သေချာသည်။

တမန်တော်ကြီးသွန်သင်ထားသည့်အတိုင်း အသက်တာလိုက်လျှောက်သူသည် ဘုရားသခင်၌ ငြိမ်သက်ခြင်း အမှန်ရရှိကြမည်။ အပိုဒ်ငယ်(၇)တွင် ဆုတောင်းခြင်းသည် ဘုရားသခင်၌ ငြိမ်သက်မှုရယူခြင်းဖြစ်သည်ဟုဆိုထားသည်။ ငြိမ်သက်ခြင်းဆိုသည်မှာ ဘုရားသခင်နှင့် မိဿဟာယပြုခြင်းဖြစ်သည်။ ဘုရားသခင်နှင့်နီးကပ်စွာနေရသည်ဟု စွဲမှတ်ပါ။ ထိုသို့စွဲမှတ်သည်နှင့်တပြိုင်နက် သမ္မာတရား၌ အသက်တာကျင်လည် မွေ့လျော်သွားပါသည်။

 

၉။ နဝကမ္မပေးလှူငွေအတွက် ကျေးဇူးပြုစကား (:၁ဝ၂ဝ)

          :၁ဝ အပိုဒ်ငယ်(၁ဝ)မှ (၁၉)ထိ ဖိလိပ္ပိအသင်းသားများနှင့် ရှင်ပေါလု ငွေကြေးထောက်ပံ့ ပေးလှူကြခြင်းအကြောင်း ရေးထားသည်။ ဓမ္မအမှုတော်ဆောင်များ အဘယ်အရပ်မှခေါ်ထားသူများ ငွေကြေးအခက်အခဲမည်သို့ ကြုံတွေ့ကြသည်ကို လူအများက မသိရှိနိုင်ကြပါ။ ထိုသို့ အကျဉ်းအကြပ်၊ အခက်အခဲ တွေ့ကြုံသည့်အချိန်တွင် နဝကမ္မပေးလှူခြင်းသည် အထက် အရပ်မှ ပြောပြခြင်းဖြစ်သည်ဟု ရှင်ပေါလုခံယူသည်။ ထို့ကြောင့် ထပ်ခါတလဲလဲ သရုပ်ပြအမွှမ်းတင်ခြင်း၊ ကျေးဇူးတော် ချီးမွမ်းခြင်းဖြစ်သည်။

ဖိလိပ္ပိသားများ၏ နှုတ်ဖြင့်သာမက၊ လက်ပါ၍ ကူညီထောက်ပံ့ခြင်းကို ရှင်ပေါလုက အမြဲအောက်မေ့သည်။ ထိုသို့ ကူညီသည့်အတွက် ကျေးဇူးစကားမဆိုဘဲမနေနိုင်။ ကာလအလွန်ကြာမှ ကူညီကြခြင်း ဖြစ်သော်လည်း မကူညီခဲ့ကြသည့် ကာလကို မမှတ်မိပါဟုဆိုသည်။ Moffatt က ”ဆုံးရှုံးနစ်နာသောကာလကို မအောက်မေ့နှင့်၊ အခွင့်ထူးပေါ်ပေါက်လာမည့် အချိန်ကိုသာ အောက်မေ့ပါ” ဟုဆိုထားသည်။

:၁၁ တပည့်တပန်းများက ဆရာသမားထဲသို့ ယဉ်ကျေးပျူငှာလောကဝတ်ပြုခြင်းသည် ချစ်ဖွယ်သောလူမှု လက္ခဏာဖြစ်သည်။ ထိုသို့ နဝကမ္မလှူဒါန်းကြလိမ့်မည်ဟု ရှင်ပေါလုတွင် မျှော်ရိုးမရှိခဲ့။ ရှင်ပေါလုက သူသည် ဖိလိပ္ပိသား များနှင့် ထူးမခြားနား။ သူလိုငါလိုဟုသဘောထားသည်။ ပေါလုသည် ခြိုးခြံချွေတာသူလည်း ဖြစ်သည်။ ခြိုးခြံချွေတာခြင်း သည် သေချာသော ကြွယ်ဝချမ်းသာခြင်းဖြစ်သည်။ ခြိုးခြံချွေတာခြင်းသည် ဥစ္စာဓနမထုတ်လုပ်နိုင်သော်လည်း ရည်မှန်းချက် မှာမူ အတူတူဖြစ်သည်။

”ဝမ်းဟောင်းလောင်း၊ အိတ်ကပ်ပြားချပ်၍ လကုန်ရက်မျှော်လင့်စရာမရှိသော်လည်း မျှော်လင့်ချက် မကျဆင်းသွားဘဲ ဘုရားသခင်၌ ဝမ်းမြောက်ခြင်းသည် ယုံကြည်သူများ၏ လျှို့ဝှက်ချက်ဖြစ်သည်” (Selected)

:၁၂ မည်သို့ အသက်ရှင်သန်ရမည့်အကြောင်း သွန်သင်ခြင်းဖြစ်သည်။ ဘုရားရှင်သည် လူ့လိုအပ်ချက်များကို လုံလောက်အောင်၎င်း၊ အချိန်မီအောင်၎င်း ပေးသည်။ ကြွယ်ဝခြင်းကို၎င်း၊ ရှုတ်ချခြင်းကို၎င်း၊ ဝစွာစားခြင်း၊ မွတ်သိပ် ခြင်း၊ စည်းစိမ်ရှိခြင်း၊ ဆင်းရဲခြင်းတို့လိုနေရာတိုင်း၊ အချိန်တိုင်း၌ သင်ယူထားပြီဟု ဆိုထားသည်။ မည်ကဲ့သို့ သင်ယူပါသနည်း။ ရိုးရိုးစင်းစင်းပြောရလျှင် ဘုရားသခင်ထံတော်မှ သင်ယူခြင်းဖြစ်သည်။ မည်သည့်နေရာ၊ မည်သည့် အချိန်တွင် မည်ကဲ့သို့ရှိစေကာမူ ဘုရားသခင်၏ စီမံခွဲခန့်ခြင်းဖြစ်သည်။ အစာငတ်လျှင်လည်း အလိုတော်ရှိသောကြောင့် ငတ်သည်။ ဗိုက်ဝလျှင်လည်း ဘုရားသခင်စီစဉ်ပေးချက်အရဖြစ်သည်။ သစ္စာရှိရှိ၊ ကိစ္စအဝဝကို သခင်အမှုဟု ခံယူဆက်ကပ် ထားသည်။ ”ထို့ကြောင့် အဘဘုရားသခင်သည် ကောင်းမြတ်ပါပေသည်” ဟုဆိုနိုင်သည်။

:၁၃ ဆက်လက်၍ ငါ့ကိုခွန်အားနှင့်ပြည့်စုံစေတော်မူသော ခရစ်တော်အားဖြင့် ခပ်သိမ်းသောအမှုတို့ကို တတ်စွမ်းနိုင်၏ ဟု ပဟေဠိစကားဆိုထားသည်။ ဤစာသားအတိုင်းဘဲ ခံယူရမည်လား။ သို့မဟုတ် တမန်တော်ကြီးသည် မည်သည့်အရာမှ လုပ်ဆောင်နိုင်စွမ်းမရှိသူဟု ခံယူရမည်လား။ အရာခပ်သိမ်းကို တတ်စွမ်းနိုင်၏ဟုဆိုရာတွင် ဘုရားသခင် ၏ အလိုတော်နားလည်နိုင်စွမ်းကို ဆိုလိုသည်။ ဘုရားရှင်၏ စေခိုင်းချက်များသည် ပြုစေတော်မူလိုသောအရာများဖြစ်သည်။ ကျေးဇူးတော်နှင့်မသက်ဆိုင်သောအရာများ လိုအပ်သောအခါမှ လုပ်ခိုင်းလိမ့်မည်မဟုတ်ဟု ယုံကြည်သည်။ အရာခပ်သိမ်း ဟုဆိုရာတွင် ပုဂ္ဂိုလ်ရေးရာအရည်အချင်းနှင့် လူ့အာသီသများမပါရှိပါ။

:၁၄ ရှင်ပေါလု ဆင်းရဲရောက်ချိန်တွင် ဖိလိပ္ပိသားများ၏ ကူညီစောင်မမှုများကို သာဓုခေါ်ပါကြောင်း ပြန်ကြား သည်။ အထူးသဖြင့် ထောင်နန်းစံနေစဉ်မှာ သုံးစွဲနိုင်အောင် နဝကမ္မအလှူငွေ မစခြင်းဖြစ်သည်။

:၁၅ တချိန်တုန်းက ဖိလိပ္ပိသားများသည်လည်း ရှင်ပေါလုအား ပေးလှူမစခြင်းမရှိခဲ့ကြပါ။ ရှင်ပေါလု အမှုတော် ထမ်းဆောင်ခါစ မာကေဒေါနိပြည်မှ စတင်ခရီးထွက်ခွါနီးတွင် ဖိလိပ္ပိသားများ၏ အလှူငွေမှတပါး အလှူငွေလက်ခံ ရရှိခြင်းမရှိခဲ့ပါ။ မည်သည့်အသင်းတော်ကမှ ပေးလှူခြင်းမရှိပါဘူး။

ဤကျမ်းပိုဒ်က ဘုရားသခင်အမှုတော်နှင့်ပတ်သက်သောအကြောင်းအရာများကို မှတ်တမ်းမှတ်ရာ ထားရှိမည်ဟု သွန်သင်ပါသည်။ ဘုရားသခင်၏အစေခံသို့ ပေးလှူခြင်းသည် ဘုရားသခင်သို့ ပေးလှူခြင်းနှင့် အတူတူဖြစ်သည်။ ဘုရားသခင်ထံတော်သို့ ပေးလှူရာတွင် ခြူးတပြားမှစ၍ တန်ဖိုးရှိသည်။ ဘုရားရှင်တော်က အသိအမှတ်ပြုလက်ခံသည်။ အထံတော်သို့ပြုခဲ့သမျှကို မှတ်တမ်းတင်၍ပေးလှူသည့်အတိုင်း ဆုလက်ဆောင်ပြန်ပေးသည်။ တိုးတက်ကြီးပွားအောင် လုပ်ပေးပါသည်။

:၁၆ ရှင်ပေါလု သက်သာလောနိတ်တွင်ရှိနေစဉ်တွင်လည်း ဖိလိပ္ပိသားများက (၂)ကြိမ်တိုင်တိုင် ပေးပို့လှူဒါန်း ကြသည်။ ဖိလိပ္ပိသားများသည် ဘုရားသခင်နှင့်နီးကပ်စွာ အသက်ရှင်သူများဖြစ်သောကြောင့် ဘုရားသခင်၏လမ်းညွှန်ချက် အတိုင်း လိုက်နာကြခြင်းဖြစ်သည်။ သန့်ရှင်းသောဝိညာဉ်တော်က သူတို့စိတ်နှလုံးတွင် ရှင်ပေါလု၏ဝန်ထုတ်ကို အသိ ပေးသည်။ သက်သာလောနိတ်တွင် ခဏတာမျှသာနေထိုင်သော်လည်း တကြိမ်မက ပေးပို့လှူဒါန်းကြသည်။ ထိုသို့ပြုမူခြင်း သည် ရှင်ပေါလုအား အလေးထားမြတ်နိုးကြောင်း သက်သေပြခြင်းဖြစ်သည်။

:၁ရ ရှင်ပေါလု၏ အတ္တကင်းမဲ့ပုံကို ဤအပိုဒ်ငယ်တွင် တခါရှင်းပြထားသည်။ ရှင်ပေါလုနှင့် ဖိလိပ္ပိများ ဆက်ဆံခြင်းသည် အလှူငွေရရှိရေးမဟုတ်။ နဝကမ္မအလှူငွေထက် ဖိလိပ္ပိသားများအကျိုးရှိဖို့ ဖြစ်သည်။ ငွေကြေးထောက်ပံ့ ခြင်းထက် ဝိညာဉ်အသက်တာ အသီးအပွင့်များ ပိုမိုသီးပွင့်စေချင်သည်။ ထိုသို့ငွေကြေးပေးလှူခြင်းသည် စင်စစ်တွင် ပေါလုသို့ပေးလှူခြင်းမဟုတ်ပါ။ အမှုတော်သို့ ပေးလှူခြင်းဖြစ်၍ ဘုရားသခင်အား ပေးလှူခြင်းဖြစ်သည်။ ပေးလှူခြင်းများကို ဘုရားသခင် မှတ်တမ်းတင်ထားပါသည်။ လာမည့်နောင်ကာလနေ့ရက်တွင် အဆတရာ ဆုလက်ဆောင် ပြန်လည်ခံစား ကြရမည်။

ဘုရားသခင်သို့ ပေးလှူခြင်းသည် ဘုရားသခင်ပေးသနားတော်မူသော ကျေးဇူးများကို ပြန်လည်ဆက်ကပ်ပေးလှူ ခြင်းဖြစ်သည်။ ခရစ်ယာန်များသည် အလှူတော်ငွေနှင့် ဆယ်ဖို့တဖို့ကို မရောထွေးရပါ။ ဆယ်ဖို့တဖို့သည် ဣသရေလ သားများအား ပေးလှူရမည့်အလှူမဟုတ်။ ”သင့်အတွက် မည်မျှချန်ထားသလဲ” ဟု မိမိကိုယ်ကိုပြန်မေးပါ။ ထိုစကားအရ ခရစ်ယာန်အသက်တာသည် ချွေတာခြင်းစည်းစနစ်ရှိခြင်း၊ ဆက်ကပ်ခြင်းရှိရမည်။ သို့မှသာလျှင် ဝင်ငွေပမာဏတိုးများ လာလျှင်လည်း ပျက်စီးခြင်းသို့ မရောက်နိုင်။

:၁၈ ယခုအခါ အရာရာ၌ ငါရတတ်၏၊ ဥစ္စာကြွယ်ဝ၏ ဟုဆိုသည်။ ဤရာစုနှစ် အမှုတော်ဆောင်များအတွက် ဆိုလျှင် ထိုစကားသည် ထူးဆန်းနိုင်သည်။ သို့သော်လည်း လက်ခံနိုင်ပါသည်။ ယနေ့ခေတ်ကာလတွင်လည်း အမှုတော် ဆောင်ဖို့ ငွေကြေးလိုအပ်ချက်လုံးဝမရှိနိုင်။ Hudson Taylor က ဤကဲ့သို့ ”ဘုရားသခင်၏အမှုတော်သည် ဘယ်သောအခါမှ ပြတ်လပ်ချို့တဲ့ခြင်းမရှိနိုင်” ဟု တခါပြောဘူးသည်။ ယနေ့အမှုတော်ဆောင်ကာလ၌ အခက်အခဲပြဿနာရှိခြင်းမှာ အမှုတော် ဆောင်ခြင်းနှင့် ဘုရားသခင်အကြားတွင် ထူးဆန်းမှုရှိ၍သာဖြစ်သည်။ အမှုတော်ဆောင်ခြင်းသည် ဝိညာဉ်ရေးရာတွင် အန္တရာယ်နှုတ်ခမ်း၌ လမ်းလျှောက်ခြင်းဖြစ်သည်။ Hudson Taylor ၏စကားကို တဖန်ပြန်လည်ကိုးကားရလျှင် ”အမှုတော်ဆောင်ရာတွင် ကြောက်စရာအကောင်းဆုံးမှာ ငွေကြေး မလုံလောက်ခြင်း မဟုတ်၊ လုံလောက်အလျှံပယ်ခြင်း ဖြစ်သည်” ဟုဆိုရမည်။

ဧပဖြောဒိတ်ယူဆောင်လာသော ဖိလိပ္ပိသားများ၏ မေတ္တာလက်ဆောင်သည် မွှေးသောရနံ့၊ ဘုရားသခင်၏ စိတ်တော်နှင့် ထိတွေ့ရာဖြစ်သည်။ ဤစကားလုံးကို ဧ ၅:၂ တွင်သာ ယေရှုခရစ်တော်ကိုယ်တော်အား ရည်ညွှန်းခြင်း၌ သုံးပါသည်။ အခြားနေရာတွင်မသုံးပါ။ ဖိလိပ္ပိသားများ၏ ပေးလှူခြင်းကို ရှင်ပေါလုက ချီးမွမ်းရာ၌ ဘုရားသခင်လည်း ထပ်တူထပ်မျှဝမ်းမြောက်ခြင်းဖြစ်သည်။ ဘုရားသခင်၌ အမွှေးနံ့သာပူဇော်ခြင်းဖြစ်သည်။ ဘုရားရှင်လက်သင့်ခံသော မွှေးရနံ့သာဖြစ်သည်။

 

ထိုအကြောင်းကို Jowett က ဤသို့ရှင်းပြထားသည်။ မေတ္တာနှင့်ယှဉ်သောကရုဏာသည် အဘယ်မျှ ရှည်လျား နက်ရှိုင်းပါသနည်း။ ဘုရားအမှုတော်ထမ်းဆောင်သူအား ပေးလှူသည်ဟုသာ ရိုးရိုးလေးတွေးထင်မိကြသည်။ မွှေးရနံ့သာများသည် အိမ်နီးနားချင်းများသာသိရသည်ဟု အောက်မေ့သည်။ စင်စစ် ကောင်းကင် တခွင်သို့တိုင်အောင် မွှေးကြိုင်ပျံ့နှံ့သွားပါသလား။ ရှင်ပေါလုနှင့်သာ သက်ဆိုင်သည်ဟု ထင်မှတ်ခဲ့သည်။ ရှင်ပေါလုကို ကယ်တင်သော သခင်အရှင် ဘုရားသခင်သို့တိုင်အောင် ရောက်ရှိသွားပါတကား။၂၂

            :၁၉ အခန်း(၄)တစ်ခုလုံး၏ ချစ်ဖွယ်အကောင်းဆုံးသော ကျမ်းစကားဖြစ်သည်။ သစ္စာရှိသောအစေခံများသို့ ဘုရားသခင်၏ ကတိတော်ပြည့်စုံမည့်အကြောင်း ဖြစ်သည်။ တနည်းပြောရလျှင် မိမိစားဝတ်နေရေးအတွက် ပူပန်စိုးရိမ်ခြင်း မရှိဘဲ ဘုရားသခင်သို့ ပေးလှူကြသည်။ နေ့စဉ်စားဝတ်နေရေးကို ဘုရားသခင်လက်ထဲသို့ အပ်နှံထားကြသည်။ ခရစ်ယာန် အသက်တာတွင် အဘယ်မျှအတုယူဖွယ်ရာကောင်းသနည်း။ ရှိသမျှငွေကြေးကို အမှုတော်အတွက် ဝကွက်အပ်ထားကြသည်။ ကောင်းလေစွ။ ထိုယုံကြည်ခြင်းမျိုးရှိသူများအား ဘုရားသခင်က စီစဉ်ပေးမည်မှာ မြေကြီးလက်ခတ်မလွဲပင်။

ထိုစကားသည် မှန်သောစကားဖြစ်သည်။ ဘုရားသခင်သို့ အသက်တာဆက်ကပ်သူသည် ဘယ်သောအခါမှ ပျက်စီးခြင်းသို့ မရောက်ဟု ကတိတော်ပေးထားသည်။

ဘုရားသခင်သည် သူ့လူများ၏လိုအပ်ချက်များကို အစဉ်ဖြည့်ဆည်းပေးပါသည်။ ဘုရားသခင်သည် ကြွယ်ဝ ချမ်းသာသူဖြစ်သည့်အတိုင်း ယေရှုခရစ်တော်အား ပြည့်စုံစေသည်။ သန်းကြွယ်သူဋ္ဌေးက ကလေးတယောက်အား တစ်ဒေါ်လာပေးကမ်းခြင်းဖြင့် စီးပွားရေးမထိခိုက်သကဲ့သို့ဖြစ်သည်။ ထိုသူဋ္ဌေးသည် ဒေါ်လာတစ်ထောင်သာချမ်းသာလျှင် ချင့်ချိန်ရတော့မည်။ သို့သော် ဘုရားသခင်သည် ယေရှုခရစ်တော်အား ပြည့်စုံစေသူဖြစ်သည်။ အဘဘုရားသခင်ထက် ကြွယ်ဝချမ်းသာသူမရှိပါ။

William  က ဤအပိုဒ်ကို ဤသို့ယှဉ်တွဲရှင်းပြသည်။

အဘဘုရားသခင်                 –           ဘဏ်သူဋ္ဌေးကြီး

စွန့်ကြဲခြင်း                        –           ငွေကြေးကတိ

လိုအပ်သောအရာများ           –           ဘဏ်၏ငွေအရင်းအနှီး

ကိုယ်တော်၏ချမ်းသာခြင်း     –           အကြီးမားဆုံးဘဏ်

ဘုန်းတော်၌                       –           ဘဏ်လိပ်စာ

ယေရှုခရစ်တော်အားဖြင့်        –           ငွေကြေးပမာဏထည့်မရေးသော အောက်ခြေလက်မှတ်။၂၃

:၂ဝ ဘုရားသခင်၏ ကြွယ်ဝချမ်းသာခြင်း၊ ပေးကမ်းစွန့်ကြဲခြင်းကို ရပ်တန့်ပြီး၊ ချီးမွမ်းခြင်းဖြင့် အခန်းဆက်ထား သည်။ ဤကျမ်းပိုဒ်သည် ယုံကြည်သူများ နေ့စဉ်အသက်တာတွင် ကြုံတွေ့ရသော ကျေးဇူးတော်ဖြစ်၍ အထူးမှတ်သားသင့် သည်။ လိုအပ်သည်များ လမ်းညွှန်တည့်မတ်ပေးသည်သာမက စုံစမ်းနှောင့်ယှက်ခြင်း၊ ဘဝယိမ်းယိုင်ခြင်းမှလည်း ကွယ်ကာ တည့်မတ်ပေးပါသည်။

 

၁ဝ။ နိဂုံးချုပ်နှုတ်ဆက်ခြင်း (:၂၁၂၃)

          :၂၁ ယုံကြည်သူများသည် အတူတကွစုဝေး၍ ရှင်ပေါလုရေးစာကို ဖတ်ကြမည်။ ယေရှုခရစ်တော်နာမ၌ ရှင်ပေါလု၏နှုတ်ဆက်စကားကို ကြားနာကြရမည်။

:၂၂ ဤကျမ်းပိုဒ်၌ ကဲသာဘုရင်၏ နန်းတော်တွင်နေသော သန့်ရှင်းသူတို့ကို ဖော်ပြထားသည်။ ထိုနန်းတော်ရှိ သူများသည် ရက်စက်စွာ ညှဉ်းဆဲခြင်းခံရမည်ဟု ယုံကြည်ရသည်။ မည်သူတွေနည်း။ ပေါလုကို စောင့်ကြပ်ရင်း ပေါလုဝေငှ သော ဧဝံဂေလိစကားကို ကြားနာရ၍ အသက်တာပြောင်းလဲကြသော ရောမစစ်သားများလော။ နန်းတော်တွင် လွတ်လပ်စွာ သွားလာခွင့်ရသော နန်းတွင်းသူ၊နန်းတွင်းသားများလော။ နန်းတော်အမှုထမ်းများလော။ အတိအကျမသိနိုင်ပါ။ သို့သော် ချစ်ဖွယ်စကားရှိသည်ကား အိမ်မြှောင်သည် နန်းတော်၌နေတတ် (သု၊ ၃ဝး၂၈)သကဲ့သို့ ဧဝံဂေလိတရားစကားသည်လည်း နေရာအနှံ့ရောက်ရှိနိုင်သည်။ ဧဝံဂေလိတရားကို နယ်နိမိတ်သတ်မှတ်၍ မရနိုင်ပါ။ အုတ်နံရံများကိုလည်း ဖောက်ထွက်နိုင် သည်။ ဖိနှိပ်ကွပ်မျက်သူများအလယ်၌လည်း ပေါ်ထွက်နိုင်သည်။ စင်စစ် ငရဲပြည်တံခါးဖြစ်လျှင် ယေရှုခရစ်တော်၏ အသင်းတော်အား အန်မတုနိုင်ပါ။

:၂၃ ရှင်ပေါလုက သူ့စာကို ဤနေရာတွင် အဆုံးသတ်သည်။ စာစောင်အစတွင်တွေ့ရှိရသော ကျေးဇူးတော်ကို အဆုံးတွင် တဖန်ပြန်လည်ဖော်ပြထားသည်။ ရင်ထဲမှ လျှံထွက်လာသောစကားလုံးများကို နှုတ်ဖြင့် မြွက်ဆိုပြခြင်းဖြစ်သည်။ ယေရှုခရစ်တော်အားဖြင့် ခံစားရသော ဘုရားသခင်၏ ကျေးဇူးတော်သည် ရှင်ပေါလုအသက်တာတွင် ပြည့်လျှံလျှက် ချီးမွမ်းမကုန်နိုင်အောင်ရှိသည်။ ဤအဖိုးတန် ကောင်းကြီးမင်္ဂလာများသည် ဘက်စုံထောင့်စုံမှ စီးဆင်းလာခြင်းဖြစ်သည်။ သို့သော် အံ့ဩစရာတော့မဟုတ်။ Paul Rees ၏စကားဖြင့် အဆုံးသတ်ရအောင်။

အကြီးမြတ်ဆုံးလူသားက အနွေးထွေးဆုံးလက်ရာဖြင့် ရေးခဲ့သည်။ ချစ်ခြင်းမေတ္တာလည်း ပြည့်စုံသွားပြီး နေ့လည်း လွန်နေပြီ။ တမန်တော်ကြီးအား သံကြိုးဖြင့် ချုပ်နှောင်ထားသည်။ အစောင့်စစ်သားများကလည်း စောင့်ကြပ်နေသည်။ သို့သော် ကိစ္စမရှိ။ ရှင်ပေါလု၏ဝိညာဉ်သည် အချုပ်အနှောင်မရှိ၊ လွတ်လပ်နေသည်။ အသိအာရုံကြည်လင်လန်းဆန်းလျှက် နှလုံးသားသည်လည်း တောက်ပနေသည်။

နောက်တစ်နေ့မိုးလင်းသည်နှင့် ဤစာစောင်ကို ဧပဖြောဒိတ်သယ်ဆောင်သွားပါတော့မည်။၂၄ 

 

မှတ်စု

(Intro) H.A.A.Kennedy, “Philippians” The Expositor’s Greek Testaments, III:407.

(၁:၁) Jowett, The High Calling, p.2.

(၁:၇) W.E.Vine, The Epistle to the Philippians and Colossians, p.23.

(၁:၁၀) Sincere (eilikrines) ဆိုသည်မှာ “အရောအနှောမရှိ” (သို့) “နေရောင်ခံ” ဟု အဓိပ္ပါယ်ရသည်။ အင်္ဂလိပ်စကားလုံး Sincere ကို “အပိုအဖျင်းမပါ”ဟု အနက်ကောက်နိုင်သည်။ ကျောက်ဆစ်ထုပန်းပုဆရာသည် ပဲ့သွားသော အနာအဆာကို ဖယောင်းဖြင့် ဖို့လေ့ရှိသည်။ နေရောင်အောက် ရောက်သောအခါ ဖယောင်းအရည်ပျော်၍ အနာပေါ်လာသည်။ နေရောင်အောက်၌ အနာပေါ်လာသည်။ နေရောင်အောက်၌ (အနာအဆာမရှိ) မှတ်ကျောက်တင်ခံနိုင်သည်ဟူသော သဘောဖြစ်သည်။

(၁:၁၁) Lehman Strauss, Devotional Studies in Philippians, p.63.

(၁:၁၃) T.W.Drury, The Prison Ministry of St.Paul, p.22.

(၁:၂၀) Guy King, Joy way, p.33.

(၁:၂၁) Jowett, Calling, p.34.

(၂:၁) F.B.Meyer, Devotional Commentary on Philippians, p.77-79.

၁၀(၂:၅) King, Joy Way, p.51.

၁၁(၂:၆) E.H.Gifford, The Incarnation, p.44,45.

၁၂(၂:၁၁) Charles R.Erdman, အသေးစိတ်အချက်အလက်များ ရှာမရပါ။

၁၃(၂:၁၇) William George, The Student’s Commentary on The Holy Scriptures, p.931.

၁၄(၃:၇) King, Joy Way, p.81.

၁၅(၃:၁၀) Jowett, Calling, p.217.

၁၆(၃:၁၀) Ibid, p.217.

၁၇(၃:၁၀) Hudson Taylor, Quoted by Mrs.Howard Taylor in Behind the Ranges, p.170.

၁၈(၃:၁၀) C.A.Coates, အသေးစိတ်အချက်အလက်များ ထပ်မံမရပါ။

၁၉(၃:၁၇) Strauss, Philippians, p.202.

၂၀(၄:၃) “လုပ်ဖော်ဆောင်ဖက်စစ်” Yoke-fellow (ဂရိ su(n)zugos)သည် လူတစ်ဦး၏နာမည် (Synzygus ဖြစ်နိုင်သည်။ သို့သော် မည်သည့်အထောက်အထားမတွေ့ရ။ ကျွန်တစ်ယောက်၏ နာမည်ဟုသာ သာမန်မှတ်ယူနိုင်သည်။

၂၁(၄:၄) Jowett, Day by Day, pp.169-171.

၂၂(၄:၁၈) Ibid, p.225.

၂၃(၄:၁၉) Williams, Students Commentary p.934.

၂၄(၄:၂၃) Paul Rees, The Adequate Man, p.127.

Next Article