ဇာခရိအနာဂတ္တိကျမ်း ၁၃

() အပြစ်ဒုစရိုက်အညစ်အကြေးများမှ ဆေးကြောစင်ကြယ်ခြင်းခံရမည် (၁၃:)

          ဤကျမ်းပိုဒ်သည် လာမည့်အခန်းနှင့် ဆက်စပ်နေသည်။ ယုဒလူများနှင့် ဣသရေလလူတို့သည် မေရှိယ သခင်အား ငြင်းပယ်ခဲ့ခြင်းကို နောင်တရကြသဖြင့် အပြစ်ဖြေရာ အမျိုးသားပွဲတော် ကျင်းပကြလိမ့်မည်။ အပြစ် အညစ်အကြေးကို ဆေးကြောဖို့ရန် ကရာနီကုန်းတွင် စမ်းရေတွင်းပွ့လိမ့်မည်။ သို့သော် ဣသရေလလူမျိုးသည် မေရှိယသခင် ဒုတိယအကြိမ် မကြွလာမချင်း ကောင်းစားကြမည်မဟုတ်။

() ရုပ်တုများနှင့် မိစ္ဆာပရောဖက်များကို ဖယ်ရှားနှင်ထုတ်မည် (၁၃:)

          ၁၃: ထိုအရပ်မှ ရုပ်တုဆင်းတုများ အစအနမျှ မကျန်ရှိအောင် ပယ်ရှင်းမည်။ ပရောဖက်အတုအယောင် များနှင့် မစင်ကြယ်သော ဝိညာဉ်ဆိုးများကိုလည်း နှင်ထုတ်မည်။

၁၃: ဤကျမ်းပိုဒ်သည် ဣသရေလလူမျိုးပြန်လည် ပေါင်းစည်းသင့်မြတ်ချိန်၌ ပေါ်ထွက်လာမည့် ပရောဖက်အတုအယောင်များအပေါ် အမျက်တော် ကျရောက်မည့်အကြောင်းဖြစ်သည်။ အကယ်၍ ထိုကာလ၌ ပရောဖက်အတုပေါ်ရှိလျှင် သူ့မိဘရင်းကိုယ်တိုင်က ဘုရားနာမတော်ကိုမှီ၍ မုသာဟောပြောသောကြောင့် သေပြစ်ထိုက်သည်ဟုဆိုကာ အသေထိုးသတ်လိမ့်မည်။ လူတို့သည် ဘုရားသခင်စေခိုင်းခြင်းမဟုတ်ဘဲ ပရောဖက် ဟု ပေါ့ပျက်ပျက် မဝန်ခံရ။ မိမိ၏အသက်မွေးမှုအတိုင်း၊ ကျေးကျွန်၊ လယ်သမား၊ သာမန်အညတြဖြစ်ကြောင်း အမှန်အတိုင်းဝန်ခံရမည်။

၁၃: အကယ်၍ မိစ္ဆာပရောဖက်၏ ဒဏ်ချက်ရာကို ညွှန်ပြ၍ တစ်စုံတစ်ဦးက မေးမြန်းခဲ့လျှင် အမှန် မပြောဘဲ ဝေ့လည်ကြောင်ပတ် လှည့်ဖျားဖြေဆိုမည်။ သူငယ်ချင်းအိမ်၌ရခဲ့သော ဒဏ်ရာဟောင်းဟု ဖြေကောင်း ဖြေလိမ့်မည်။

ဘာသာရေးစိတ်အားကြီးသော ဓမ္မဆရာကြီးအချို့က ဤကျမ်းပိုဒ်ကို သခင်ယေရှုလက်ဝါးကပ်တိုင်ပေါ်၌ သံမှိုနှက်ခံရစဉ် ခံစားခဲ့ရသည့် ဒဏ်ချက်တော်အဖြစ် ဖော်ညွှန်းသွန်သင်ကြသည်။ မိစ္ဆာပရောဖက်အကြောင်း အထင်အရှားပြောနေသောကျမ်းစကားဆက်အရ ဤယူဆချက်မှာ လက်ခံနိုင်ဖွယ်မရှိပေ။၁၅ ဓမ္မဟောင်းကျမ်းရှိ မေရှိယဆိုင်ရာဖော်ပြချက်များနှင့် ပတ်သတ်လျှင် ကျမ်းစာသားအား ဖိအားပေးလိုရာဆွဲ အဓိပ္ပါယ်ကောက်ခြင်းကို ရှောင်ကြဉ်အပ်သည်။

ရှေးရိုးစဉ်လာ ဓမ္မပညာရှင်ကြီး G. Coleman ကဲ့သို့သော ပုဂ္ဂိုလ်မျိုးကပင် ဤကျမ်းပိုဒ်သည် မေရှိယနှင့် မပတ်သက်ကြောင်း ဤသို့သဘောထားပေးသည်။

ပရောဖက်အတုအယောင်က အမှန်ကို ဝန်ခံရန်ခက်ခဲလှပါသည်။ သူ့ကိုမေးခွန်းထုတ်သူက မယုံသင်္ကာ ဖြစ်၍ နှိုက်နှိုက်ချွတ်ချွတ် မေးမြန်းခြင်းဖြစ်မည်။ မိစ္ဆာပရောဖက်များ၏ကျင့်စဉ်၌ မိမိကိုယ်ကို ဒဏ်ရာ အနာတရပြုခြင်းပါဝင်သည်။ (၃ရာ၊ ၁၈:၂၈နှင့် ယော၊ ၁၆:၆ကို ယှဉ်ဖတ်ပါ။)

ထို့ကြောင့် မေရှိယနှင့်မသက်ဆိုင်၊ ပရောဖက်အတုအယောင်ကိုညွှန်းခြင်းက သာ၍ဆီလျော်ပါသည်။ လက်များ(KJV)သည် ဟေဗြဲဘာသာစကားတွင် လက်မောင်းများကို ဆိုလို၏။ လက်မောင်းများပေါ်မှ ဒဏ်ရာ ဒဏ်ချက်များဟု (NKJV)၌ ပြန်ဆိုခြင်းမှာ  သာ၍သင့်မြတ်သည်။ လက်မောင်းများအကြားမှာ ကိုယ်ခန္ဓာအပေါ် ပိုင်း ရှေ့ရင်ဘတ်နှင့် နောက်ကျောဖက်ကို ဆိုလိုသည်။ သို့ဆိုလျှင် ထိုဒဏ်ရာများမှာ မိမိကိုယ်တိုင် ထိုးဆွခြင်း ဖြစ်နိုင်သလို ထိုမိစ္ဆာပရောဖက် ပြောသည့်အတိုင်း သူ့မိတ်ဆွေအိမ်မှရသော ဒဏ်ရာလည်း ဖြစ်နိုင်သည်။ ယေရှုသည် မိတ်ဆွေများအိမ်တွင် ဒဏ်ရာဒဏ်ချက် မရရှိခဲ့ဘူးပါ။ ရက်စက်သောရန်သူများပေးသည့် ဒဏ်ချက်ရာ သာရှိခဲ့သည်။

() မေရှိယအသတ်ခံရခြင်းနှင့် ဣသရေလတို့ကွဲလွင့်ခြင်း (၁၃:)

          ကျမ်းစာလေ့လာသူတိုင်းက ဤကျမ်းပိုဒ်မှာ မေရှိယသခင်ကို ညွှန်းကြောင်း ယုံကြည်ကြသည်။ ယေဟော ဝါဘုရားရှင်က အို၊ ဓါးငါ၏သိုးထိန်းတဘက် ငါ၏အပေါင်းအဖော်၌ ဖြစ်သောသူတဘက်၌ နိုးလော့။ သိုးထိန်း (သခင်ယေရှု)အား ရိုက်သတ်လော့ဟု ဆိုသည်။ သိုးထိန်းကို ကရာနီကုန်းပေါ်တွင် ရိုက်သတ်ခဲ့သည်။ သိုးများ လည်း ကွဲလွင့်ကုန်သည်။

() ရွေးကောက်ထားသူများ ဘုရားရှင်ထံ ပြန်လည်စုစည်းကြမည် (၁၃:)

          သခင်ယေရှု ခရစ်တော်အား လက်မခံငြင်းပယ်ခဲ့သည့်ခြင်းကြောင့် ဘေးဒဏ်ကြီးကာလ၌ လူမျိုးတော်၏ သုံးပုံနှစ်ပုံသေဆုံးကြမည်။ သုံးပုံတစ်ပုံသာ ကျန်ကြွင်းမည်။ သူတို့ကို ရွှေစင် ငွေစင်ကဲ့သို့ ကြေးချွတ်တောက် ပြောင်စေမည်။ သူတို့သည် ဘုရားသခင်ကို သိကျွမ်းလာကြမည်။ ဘုရားသခင်ကလည်း ငါ၏လူမျိုးဟု ဖူးဖူး မှုတ်လိမ့်မည်။

Previous Article
Next Article