ထွက်မြောက်ရာကျမ်း ၈

() ဒုတိယကပ်ဆိုး၊ ဖားအန္တရာယ် (:၁၅)

          :၁၅ အဲဂုတ္တုတစ်ပြည်လုံးတွင် ဖားပြုပ်ထကြသောအခါ ဖာရောမင်း စိတ်အနှောင့်အယှက်ဖြစ်သဖြင့် မောရှေအား ခေါ်မေးသည်။ မောရှေက ကိုယ်တော်အိမ်များမှ ဖားများပယ်ရှင်း၍ မြစ်၌သာနေစေခြင်းငှါ လူများအဖို့ ဆုတောင်းပေးရမည့် အချိန်သတ်မှတ်ပေးပါဟု ဆိုသည်။ ဖာရောမင်း၏ မျက်လှည့်ဆရာများကလည်း ဖားပြုပ်လုပ်ကြသော်လည်း အရာမထင်။ အဘယ်ကြောင့်ဆိုသော် ထိုသူများ၏အစွမ်းသည် စာတန်နတ်ဆိုးထံမှ ရရှိသော တန်ခိုးများဖြစ်သည်။ နောက်တစ်နေ့တွင် ဖားများသေကုန်၍တစ်ပြည်လုံး နံစော်ကုန်သည်။ သို့သော် ဖာရောမင်းသည် ဣသရေလများအား မလွှတ်ပြန်။

() တတိယကပ်ဆိုး၊ ခြင်ကောင် (:၁၆၁၉)

          :၁၆၁၉ တတိယကပ်ဆိုးမှာ မြေမှုန့်ဟူသမျှသည် ခြင်ကောင်၊ ဖြုတ်ကောင်ဖြစ်သွားကြသည်။ ဖာရောမင်း၏ ဝိဇ္ဇာဆရာများသည်လည်း မောရှေကဲ့သို့ လိုက်လုပ်ကြသည်။ သို့သော် ခရုတု၍ ဖားမခုန်။ ဖာရောမင်းက အလျှော့မပေးသေး။ ခေါင်းမာသထက်မာနေသည်။ ခေါင်းမာလေလေ ညှဉ်းပန်းနှိပ်စက်ခြင်း ခံရလေဖြစ်သည်။

() စတုတ္ထကပ်ဆိုး၊ ယင်ရဲကောင် (:၂၀၃၂)

          :၂၀၂၄ ထို့ကြောင့် ယင်ရဲကောင်၊ ယင်မရိုင်းကြီးများ အဲဂုတ္တုပြည်တစ်ဝှမ်းလုံးသို့ ပြန့်နှံ့စေသည်။ ဟေဗြဲကျမ်းမူတွင် ပျားပန်းခတ် ကြိတ်ကြိတ်တိုး များပြားသည်ဟု ဆိုသည်။ ထိုကပ်ဆိုးဘေးဆိုးများသည် အဲဂုတ္တုပြည် တစ်ပြည်လုံးတွင် ပျံ့နှံ့သော်လည်း အဓိကပစ်မှတ်မှာ အဲဂုတ္တုလူမျိုးများကို ဒုက္ခပေးသည်။ ရုပ်တုဘုရားတု ကိုးကွယ်သူများကိုသာ ဒုက္ခပေးသည်။ အဲဂုတ္တုသားများသည် Khepri ပိုးမွှားဘုရားကိုးကွယ်ကြသူများ ဖြစ်သည်။

:၂၅၃၂ ဖာရောမင်းသည် မခံသာသော ကြောင့် မောရှေနှင့် အာရုန်အား သူတို့ဘုရားကို ဝတ်ပြုခွင့်ပြုသည်။ သို့သော် ခပ်ဝေးဝေးမသွားကြနှင့်ဟု မိန့်မှာသည် ထိုစကားသည် မလုံလောက်ပါ။ ဘုရားသခင်က ()ရက်ခရီးသွားခိုင်းသည်။ မောရှေက ယင်ရဲကောင်များ ပျောက်ကယ်ကြရန် ဆုတောင်းသောအခါ ဘုရားသခင်က နားညောင်းတော်မူသည်။ သို့သော် ယင်မဲရိုင်းများ မရှိတော့သည်နှင့် တပြိုင်နက်ဖာရော စိတ်သဘောပြောင်းလဲပြန်သည်။ ဣသရေလတို့အား မသွားကြနှင့်တော့ဟု တားဆီး အမိန့်ကို ထုတ်ပြသည်။

Previous Article
Next Article