ခရစ်ဝင်ကျမ်းမိတ်ဆက်

‘ခရစ်ဝင်ကျမ်းများသည် စာပေကျမ်းဂန်များ၏ အသီးဦးဖြစ်သည်’။

၁။ အသရေပြည့်ဝသော ခရစ်ဝင်ကျမ်းများ

စာပေဝါသနာရှင်တိုင်း၊ ဝတ္ထု၊ ပုံပြင်၊ ဇာတ်လမ်း၊ ကဗျာ၊ အတ္ထုပ္ပတ္တိနှင့် အခြားစာအမျိုးမျိုး ကိုဖတ်ဘူးကြပါလိမ့်မည်။ သို့သော် သခင်ယေရှုလူ့လောကသို့ကြွလာခြင်းအကြောင်း ရေးမှတ်ထားသော ခရစ်ဝင်ကျမ်းများသည် ကိုယ်ရေးအတ္ထုပ္ပတိ္တကျမ်းထက်သာလွန်၍ ခိုင်မာသော ကျမ်းဂန်မှတ်တမ်းတစ်ဆူ ဖြစ်သည်။ ပုံပြင် ဒဏ္ဍာရီအမျိုးအစားမဟုတ်သော်လည်း ပျောက်သောသား၊ ကောင်းသောရှမာရိလူ ကဲ့သို့ သောပုံဆောင်ချက်ကောင်းများပါဝင်သည်။ အချို့သော ပုံဆောင်ချက်များကို ဇာတ်လမ်း၊ ဇာတ်အိမ်ဖွဲ့င ပုံဝတ္ထု၊ ရုပ်ပြအဖြစ်ထုတ်ဝေခဲ့ကြသည်များလည်းရှိသည်။ ခရစ်ဝင်ကျမ်းများသည် အထောက်အထား၊ အကိုးအကားများနှင့် စီရင်ခံစာမျိုးလည်းမဟုတ်ပါ။ သို့သော် တိကျမှန်ကန်သည်။ ထိရောက်သည်။ လူပေါင်းများစွာအသက်တာပြောင်းလဲစေသည်။

ခရစ်ဝင်ကျမ်းများသည် ဝိသေသလက္ခဏာများဖြင့် ထူးခြားစံနမူနာပြုအပ်သည်သာမက၊ မဿဲ၊ မာကု၊ လုကာ၊ ယောဟန်အစရှိသော ဧဝံဂေလိဆရာကြီးများ၏ လက်ရာများသည် စာပေစံညွန်းများ ကိုပင် ချိုးပစ်ခဲ့ကြသည်။ ရှေးရိုးစဉ်လာ ခရစ်ယာန်များက ဤခရစ်ဝင်ကျမ်း (၄)ကျမ်းကို လွန်ခဲ့သော နှစ် ပေါင်းနှစ်ထောင်ခန့်မှစ၍ အသိအမှတ်ပြုခဲ့ကြပါသည်။ ပုံစံအမျိုးမျိုးဖြင့် ဧဝံဂေလိကျမ်းအမည်အသုံးပြုရေး သားကြသည်။ အယူမှား ဒိဋ္ဌိဆရာများပါမကျန် ရေးသားခဲ့ကြသည်။

ထိုသို့ဆိုလျှင် အဘယ်ကြောင့် ခရစ်ဝင်ကျမ်း (၄)ကျမ်းသာရှိသနည်း။ ခရစ်ယာန်များ၏ လက်ဦမူရင်းကျမ်းဖြစ်သော မောရှေကျမ်းတွင်လည်း (၅)ကျမ်းရှိသည် မဟုတ်လော။ သို့မဟုတ် ပြည့်စုံ သွားအောင် အံ့ဖွယ် နိမိတ်လက္ခဏာများ၊ ပုံဆောင်ချက်များပါ စုပေါင်း၍ အဘယ်ကြောင့် တစ်အုပ်တည်း အဖြစ်စုပေါင်း မရေးကြသနည်း။ သဟဇာတဖြစ်အောင်ကြိုးပမ်းပါသည်။

Irenaeus က ခရစ်ဝင်ကျမ်း (၄)ကျမ်းသည် အရပ်လေးမျက်နှာဟု အဓိပ္ပါယ်ကောက်ယူနိုင် ၍ စကြဝဠာတစ်ခုလုံးနှင့် သက်ဆိုင်သည်ဟုဆိုပါသည်။

၂။ လေးဂဏန်းအမှတ်အသား

ပန်းချီပညာရှင် အကျော်အမော်များစွာက ခရစ်ဝင်ကျမ်း (၄)ကျမ်းနှင့် သင်္ကေတအမှတ် အသားကို ဖွင့်ဆိုဖို့ဤသို့အဆိုပြုခဲ့ကြဘူးသည်။ ယေဇကျေလနှင့် ဗျာဒိတ်ကျမ်းတို့မှ ခြင်္သေ့၊ နွား၊ လူနှင့် ရွှေလင်းယုန် တို့ဖြင့်ခရစ်ဝင်ကျမ်း (၄)ကျမ်းကိုပုံဆောင်သင်္ကေတပြုလိုသည်။ သို့သော်လည်း ကွဲပြားခြား နားမှုကြောင့် မဖြစ်မြောက်ခဲ့ပါ။ ခရစ်ဝင်ကျမ်းရှိခရစ်တော်အကြောင်းတင်ပြပုံကို ဂုဏ်ရည်တူပြုရာတွင် ထိုအဆိုပြုချက်အတိုင်းဆိုလျှင် မဿဲခရစ်ဝင်မှာ ယုဒလူများအကြား၌ ရဲဝံ့စွာကြွရောက်လာသည့် ဘုရင် ခြင်္သေ့ဖြစ်ရမည်။ ဝန်စည်းစလယ်များကိုမငြီးမငြူထမ်းသော နွားလားဥဿဘသည် ရှင်မာကုသတင်း ကောင်း၌ ခရစ်တော်အစေခံခြင်းကိုပုံဆောင်သည်။ လူသားတော်လူ့ဇာတိခံယူခြင်းကို အခြေပြုထားသော ကြောင့် လုကာခရစ်ဝင်ကို လူနှင့် စံပြုသင့်သည်။ လေးနက်၍ အဓိပ္ပါယ်ပြည့်စုံသော လက်စွဲကျမ်းလည်း ဖြစ်၊ လူ့သဘောအမြင်နှင့် ဆန့်ကျင်၍ ဝိညာဉ်ရေးရာတံဆိပ်ခတ်နှိပ်ထားသော ရှင်ယောဟန်ခရစ်ဝင်မူ ကားရွှေလင်းယုန်ဖြင့် ဂုဏ်ရည်တူပြုသင့်ပေသည်။

၃။ စာဖတ်ပရိသတ် (၄)မျိုး

ဤခရစ်ဝင်ကျမ်းများကို သန့်ရှင်သော ဝိညာဉ်တော်က လူ့အုပ်စု (၄)မျိုးထံသို့ ပို့ဆောင် ပေးသည်။

မဿဲသည်အထူးသဖြင့် ယုဒလူမျိုးထံသာသနာပြုကြောင်း လူတိုင်းလက်ခံကြပါသည်။ ဘုရားဇာတိတော်မှစ၍ မျိုးရိုးဆင်းသက်လာပုံကို နောင်လာ နောက်သား စာရှုသူများသိမှတ်နိုင်သည်။

မာကုသည် ဧကရာဇ်မင်းနှင့်ဆိုင်သော မြို့ကြီးပြကြီးအထူးသဖြင့် ရောမလူမျိုးကိုရည်ရွယ် ၍ရေးသားသည်။ တွေးခေါ်ကြံစည်ခြင်းထက်ခွန်အားထုတ်၍ လုပ်ဆောင်တတ်သော လူသန်းပေါင်းများစွာ တို့ကိုလည်း ပစ်မှတ်ထားသည်။ အံ့ဘွယ်နိမိတ်လက္ခဏာများကိုဦးစားပေးပြီး ပုံဆောင်ချက်တွင် ခပ်တိုတို ဖော်ပြသည်။ ရောမလူမျိုးများသည် ယုဒလူမျိုး၏ မျိုးရိုးဆင်းသက်လာပုံကို စိတ်ဝင်စားခြင်းမရှိသော ကြောင့် မျိုးရိုးဇာတိစာရင်းအင်းထည့်မထားပါ။

လုကာသည် ဂရိစာပေ၊ အနုပညာကိုမြတ်နိုးသည့် ဂရိနှင့် ရောမလူမျိုးများကို အဓိကထား ၍ သာသနာပြုသည်။ ထိုသူများသည် အနုပညာကိုခုံမင်ကြသည်။ လူသားဆန်သည်။ ကိုယ်ပိုင်ယဉ်ကျေး မှုရှိသည်။ ယဉ်ကျေးမှုလည်း မြင့်မားသည်။ ဆေးဆရာဝန်တစ်ဦးဖြစ်သောလုကာသည် ထိုပရိသတ်များသို့ ဧဝံဂေလိတရားဖြင့် ထိုးဖောက်သည်။ ဂရိအနုပညာနှင့် စာပေခန်ံညားမှုကို အစောဆုံးရယူသူများမှာ ပြင် သစ်လူမျိုးများဖြစ်သည်။ ထို့ကြောင့် ပြင်သစ်လူမျိုးတို့က လုကာခရစ်ဝင်ကျမ်းကို ကမ္ဘာ့အလှပဆုံးစာအုပ် ဟုပြောဆိုကြခြင်းသည် အံ့ဩဖွယ်စရာမဟုတ်လေ။ (လုကာ ခရစ်ဝင်ကျမ်းနိဒါန်းကိုကြည့်)

ယောဟန်အတွက် မည်သည့်လူမျိုးကျန်သနည်း။ ယောဟန်ခရစ်ဝင်ကျမ်းသည် စကြာဝဠာ ဆိုင်ရာဧဝံဂေလိကျမ်းဖြစ်၍၊ (ယုဒလူနှင့် တစ်ပါးအမျိုးသားတို့မှတပါး) တစ်ကမ္ဘာလုံးနှင့် နှီးနွယ်သည် တတိယလူအုပ်စုဖြစ်သော ရုပ်တုဆင်းတုကိုးကွယ်သူ pagans များကို ဦးတည်ထားခြင်းဖြစ်ကြောင်း ပေါ် လွင်ထင်ရှားလှပါသည်။ (၂၀:၃၀၊၃၁)

၄။ (၄)မျိုးသောအမွှန်းတန်ဆာ

ဓမ္မဟောင်းကျမ်း၌ ရှိသောအမွန်းတင်ချက် (၄)ခုကဤခရစ်ဝင်(၄)ကျမ်းကို အလှတန်ဆာ ဆင်လျက်ခုပြီးဆွဲပေးလိုက်ပါသေးသည်။

အကိုင်းအခက်အဖြစ် သခင်ယေရှုကို အောက်ပါကျမ်းချက်များတွင် ဖော်ညွန်းထားသည်။

‘…..ဒါဝိဒ်သို့ ငါပေါက်စေသည့်အတိုင်း…… ထိုမင်း’ (ယေ၊ ၂၃:၅-၆)

‘….အညွန့်အမည်ရှိသောသူ….’ (ဇာ၊၃:၈)

‘….အညွန့်အမည်ရှိသောသူ….’ (ဇာ၊၆:၁၂)

‘…..ထာဝရဘုရား၏ အညွန့်….’ (ဟေရှာ၊ ၄:၂)

ကြည့်ရှုကြလော့ဟူသောစကားကိုလည်း ဓမ္မဟောင်းကျမ်းတွင် (၄)ကြိမ်သုံးထားသည်။ ထိုလေးကြိမ်အရေအတွက်သည်လည်း ခရစ်ဝင်ကျမ်း (၄)ကျမ်းအားနာမ်စပ်ခြင်းဖြစ်သည်။

‘ သင်၏အရှင်မင်းကြီးကို ကြည့်လော့’ (ဇာ၊ ၉:၉)

‘ ငါရွေးချယ်သောသူကိုကြည့်ရှုလော့’ (ဟေရှာ၊ ၄၂:၁)

‘ သူ့ကိုကြည့်ရှုလော့’ (ဇာ၊ ၆:၁၂)

‘ ဘုရားသခင်ကို ကြည့်ရှုလော့’ (ဟေရှာ၊ ၄၀:၉)

အကြောင်းအရာသည် တိုက်ဆိုင်ခြင်းဖြစ်သည်ဟုဆိုနိုင်သော်လည်း ကြီးမားသော ကောင်း ကြီးမင်္ဂလာဖြစ်ထွန်းစေနိုင်သည်။ ယဇ်ပလ္လင်ပေါ်မှ အရောင်(၄)ရောင်သည်လည်း သူ့အရောင်နှင့်သူ အဓိ ပ္ပါယ်အသီးသီးရှိကြသည်။ သခင်ဘုရား၏ ခရစ်ဝင်ကျမ်းများကို အတိတ်နိမိတ်ပေးခြင်းဖြစ်သည်။

ရွှေအိုရောင်သည် ဧဝံဂေလိကျမ်း၏ဘုရင်၊ မဿဲကျမ်း၏ ကနဦးရွေးချယ်မှုဖြစ်သည် နန်းသုံးအရောင်ဖြစ်ကြောင်း (သူကြီး၊၈:၂၆)တွင်တွေ့ရသည်။ ကြက်သွေးရောင်သည် ရှေးခေတ်ကာလတွင် အလောင်းများပတ်ရန် အသုံးပြုသော အရောင်ဖြစ်သည်။ ရှင်မာကုသည် ခရစ်ဝင်ကျမ်း၏ အစခံကျွန်ဖြစ် သည်။ ‘ငါသည်လူမဟုတ်ပိုးကောင်မျှသာဖြစ်သည်’ (ဆာလံ၊ ၂၂:၆)ဟုဆိုသည်။ အဖြူရောင် သည် သန့်ရှင်းသူများ၏ စင်ကြယ်ခြင်းလက္ခဏာ (ဗျာ၊ ၁၉:၆)ဖြစ်သည်။ လုကာသည်ယေရှု၏ လူသားဘဝပြည့်စုံ စင်ကြယ်မှုကိုဖော်ပြသည်။ အပြာရောင်သည် မိုးကောင်းကင်ဟုတင်စားထားသော နီလာ (ထွက်၊ ၂၄:၁၀) အရောင်ဖြစ်သည်။ ထိုဆွဲဆောင်မှုရှိသောအရောင်ကို ရှင်ယောဟန်ကယေရှု၏ ဇာတိသော့ချက်အဖြစ် ဖော်ပြထားသည်။

၅။ မှတ်တမ်းမှတ်ရာနှင့်လေးနက်ခြင်း

ခရစ်ဝင်ကျမ်းရှိအဖြစ်အပျက်များသည် မှတ်တမ်းမှတ်ရာဖြင့် စနစ်တကျရေးမှတ်ခြင်း မဟုတ်ပါ။ ခံယူချက်၊ ယုကြည်ချက်နှင့်ဆိုင်သောသိသင့်သိထိုက်သည်တို့ကို သန့်ရှင်းသော ဝိညာဉ်တော်၏ ဖော်ပြချက်ဖြင့်ပြန်လည်ရေးမှတ်ခြင်းသာလျှင် ဖြစ်သည်။ ထိုအကြောင်းကို Kellyကဤသို့ဆိုသည်။

ရှင်လုကာခရစ်ဝင်ကျမ်းသည် အနှစ်သာရအားဖြင့် အကျင့် လက္ခဏာနှင့်ဆိုင်သည်။ အချက်အလက်များ၊ အပြန်အလှန်စကားပြောခြင်း၊ မေးခွန်း၊ ဖြေကြားခြင်းများနှင့် သခင်ယေရှု၏ အပြင် ပန်းမျှသာမဟုတ်ဘဲ အတွင်းကျကျပြောဟောချက်၊သမ္မာတရားဖြစ်သော်လည်း ဘွင်းဘွင်းဒဲ့ဒိုးတင်ပြထား သလို ကလေးဆန်ပုံကိုလည်းတွေ့ရသည်။ ထိုအဖြစ်အပျက် အကြောင်းရင်းများကို စုစည်းလိုက်သောအခါ သမိုင်းဆရာများ နားမလည်နိုင်လောက်အောင် ခက်ခဲနေမည်ဖြစ်သော်လည်း ဘုရားသခင်က လုကာကို ပြည့်စုံစွာလုပ်ဆောင်နိုင်ဖို့အသုံးပြုခဲ့သည်။

ခရစ်ဝင်ကျမ်းများကို လေ့လာသောအခါ မတူညီသော အသားပေးချက်များတွေ့ရမည်။ ပထမပိုင်းခရစ်ဝင် (၃)ကျမ်းကို ‘ synoptics’ (ယေဘူယျအမြင်ဟု အဓိပ္ပါယ်ရသည်)ဟုခေါ်သည်။ ခရစ်တော်၏သက်တော်စဉ်ကို ဦးစားပေးဖော်ပြကြသည်။ ယောဟန်ခရစ်ဝင်ကျမ်းသည် တမူထူးခြားသည်။ နောက်ကျမှရေးသားခြင်းဖြစ်၍ ရှေ့ကျမ်းများကရေးပြီးသားအကြောင်းအရာကို နောက်တစ်ကြိမ်မကြော့ ချင်။ အဓိကအားဖြင့် သခင်ဘုရား၏ အယူဝါဒနှင့် ဆိုင်သော သက်တော်စဉ်နှင့် နှုတ်တော်ထွက်စကားများ ကို မီးမောင်းထိုးပြသည်။

၆။ ယထာဘူတမေးခွန်း

ဆင်တူယိုးမားအကြောင်းအရာများကို အဘယ်ကြောင့် စာရှည်ဖွဲ့၍ ရေးကြသနည်း။ ပထမ ခရစ်ဝင်(၃)ကျမ်းတွင် မတူညီသော အချက်များစွာရှိနေပါလျက်အဘယ်ကြောင့် လက်ခံကြသနည်း။ သမားရိုးကျခရစ်ယာန်များက သမ္မာကျမ်းစာသည် ဝိညာဉ်တော်မှုတ်သွင်းခြင်းမဟုတ်ဟု ငြင်းပယ်ကြသည် နားမလည်နိုင်အောင် ရှုပ်ထွေးသော ဓမ္မအယူအဆများကိုကျမ်းကိုး အထောက်အထားမရှိဘဲ တွေ့ရသည်။ ဤအယူအဆမျိုးအချို့ကို (လု၊ ၁:၁)၌ တွေ့ရသည်။ ထိုသဘောထားမျိုးကို ၁ရာစုနှစ်များတွင် ယေရှုခရစ် တော်နှင့် ပတ်သက်သည့် ဒဏ္ဍာရီများဟုဆိုကြသည်။ ထို့အပြင်ခရစ်ယာန်များ၏ သမ္မာကျမ်းစာနှင့် အသင်း တော်သမိုင်းသည် သက်သေအထောက်အထား အခိုင်လုံမရှိဟုဆိုကြသည်။ ယေဘုယျဆန်သော ခရစ်ဝင် ကျမ်းအမယအဆကို ကျမ်းစာလေ့လာခြင်းမရှိဘဲ မည်ကဲ့သို့ ဖြေရှင်းနိုင်ကြမည်နည်း။

ထိုပြဿနာကို သခင်ဘုရား၏ နှုတ်ကပတ်တော်တွင်တွေ့ရသည်။ (ယော၊ ၁၄:၂၆)၌ ‘ခမည်တော်သည်င့ါအတွက်ကြောင့် စေလွတ်တော်မူသော ဥပဇ္ဈာယ်ဆရာတည်းဟူသော သန့်ရှင်းသော ဝိညာဉ်တော်သည် သင်တို့အားခပ်သိမ်းသောအရာတို့ကို ပြသသွန်သင်တော်မူ၍ ငါပြောခဲ့သမျှသော စကားတို့ကို မှတ်မိသောဉာဏ်ကို သင်တို့အားပေးတော်မူမည်’ ဟုဆိုထားသည်။

ဤကျမ်းစာကားသည် မဿဲ၊ ယောဟန်တို့ကဲ့သို့မျက်မြင်သက်သေများကို ဆိုလိုသည်။ အထူးသဖြင့်မာကုသည် အသင်းတော်နှင့် ပတ်သက်သော ပေတရု၏လုပ်ဆောင်ချက်များကို မှတ်တမ်း တင်ထားခဲ့သည်။ သန့်ရှင်းသော ဝိညာဉ်တော်၏ အကူအညီဖြင့် ရေးသားထားသော (လု၊ ၁:၁) ကျမ်းအ ပေါ် semitic များ၏ မေးခွန်းကိုလည်း အဖြေပေးခြင်းဖြစ်သည်။ သမ္မာတရားအသေးစိတ်၊ ဘာသာပြန်ချက် အားလုံးသည် သန့်ရှင်းသော ဝိညာဉ်တော်၏ တိုက်ရိုက် သွန်သင်ဖော်ပြခြင်းဖြစ်သည်။ (၁ကော၊ ၂:၁၃)

ထို့ကြောင့်မတူညီသော အသေးစိတ်အချက်အလက်များနှင့် ဝိရောဓိဖြစ်နေသောကျမ်းချက် များကို မေးရာတွင် ထိုကျမ်းပိုဒ်၏ အပြင်ပန်းသဘာဝ၊ အတွင်းသရုပ်နှင့် အဓိကကမီးမောင်းထိုးဖော်ပြလို သောအချက်များကို ဦးစွာလေ့လာနာလည်ရသည်။ ဥပမာအားဖြင့် မဿဲခရစ်ဝင်ကျမ်းတွင် လူနှစ်ဦးအား အနာရောဂါငြိမ်းစေခြင်းနှစ်ကြိမ် (မျက်ကန်းနှင့်နတ်ဆိုး) ဖော်ပြသော်လည်း မာကုနှင့်လုကာ ၁၉တွင် တစ်ကြိမ်သာဖော်ပြသည်။ အချို့က ဤကျမ်းပိုဒ်များသည် ဝိရောဓိဆန့်ကျင်နေသည်ဟု မြင်ကြသည်။ ယုဒလူမျိုးက ရှင်မဿဲ၏ ကျမ်းကို ပိုမိုလက်ခံချင်သည်။ ရှင်မဿဲသည်လူနာမည် Bartimeus (ဗာတိမဲ) ကိုလည်းဖော်ပြသည်။

ခရစ်ဝင်ကျမ်းများတွင် ဆန့်ကျင်သယောင်ရှိသော ကျမ်းပိုဒ်အချို့ကို အောက်တွင်ဖော်ပြ ထားပါသည်။

(လု၊ ၆:၂၀-၂၃)၌ တောင်ပေါ်တွင် တရားဟောသည်ဟုဆိုသည်။ (လု၊ ၆:၁၇)မှမူမြေပြန့် ဖြစ်နေသည်။ ရှင်လုကာက တပည့်တော်များ ကောင်းကင်နိုင်ငံသားများ၏ အကျင့်လက္ခဏာကို ဖော်ကျူး သည်။

(လု ၆:၄၀)သည် (မ၊၁၀:၂၄)နှင့် ခပ်ဆင်ဆင်ဖြစ်သည်။ သို့သော် ရှင်မဿဲခရစ်ဝင်ကျမ်းအ ရယေရှုသည် သခင်ဖြစ်၍ ယုံကြည်သူများသည် တပည့်တော်များဖြစ်ကြသည်။ လုကာခရစ်ဝင်ကျမ်းတွင်မူ နောက်လိုက်သူသည်သခင်ဖြစ်သည်။ သွန်သင်ခံသမျှသည် တပည့်ဖြစ်သည်ဟုဆိုသည်။ (မ၊ ၇:၂၂)တွင် ဘုရင်အတွက်အမှုတော်ထမ်းဆောင်ခြင်းကို အဓိကထား၍ (လု၊ ၁၃:၂၅-၂၇)၌ သခင်နှင့် မိတ်သာဟာယ ဖွဲ့ခြင်းကို အသားပေးသည်။

(လု၊ ၁၅:၄-၇)သည်ဖာရိရှဲများအားအပြစ်တင်ခြင်းဖြစ်၍ (မ၊ ၁၈:၁၂-၁၃)ကမူ ဘုရားသခင် က ကလေးသူငယ်များကိုချစ်သည့်အကြောင်းမီးမောင်းထိုးပြသည်။

ယုံကြည်ခြင်းရှိသူသာလျှင် “သန့်ရှင်းသောဝိညာဉ်တော်၌ နှစ်ခြင်းမင်္ဂလာခံယူရသည်”ဟု (မာ၊ ၁:၈၊ ယော၊ ၁:၃၃)တွင်ဆိုသည်။ ထိုစကားနှင့် ပတ်သက်၍ ရှုပ်နိုင်သည်။ အထူးသဖြင့် ဖာရိရှဲများ အတွက် ပြောသော “သန့်ရှင်သောဝိညာဉ်တော်ဖြင့်၎င်း၊ မီးဖြင့်၎င်း၊ နှစ်ခြင်းမင်္ဂလာပေးလိမ့်မည်”  (မ၊ ၃:၁၁၊ လု၊ ၃:၁၆) ဟူသောကျမ်းပိုဒ်ဖြစ်သည်။

ထိုသို့မတူညီခြားနားခြင်းသည် တစ်ခုနှင့်တစ်ခုဆန့်ကျင်ခြင်းမဟုတ်ပါ။ သူ့ကျမ်းချက်နှင့် သူ့ပစ်မှတ်အသီးသီးရှိသည်။ ယုံကြည်ခြင်းနှင့် အာရုံစူးစိုက်နိုင်မှ ဝိညာဉ်အဟာရ ရရှိပါမည်။

၇။ ကျမ်းစာရှင်များ

ဤခရစ်ဝင်များကို မည်သူရေးသနည်း။ အကျိုးအကြောင်း အပြင်ပန်းလက္ခဏာ၊ အတွင်း သရုပ်ခွဲခြမ်းစိတ်ဖြာလေ့လာကြည့်ကြစို့။ ရှေ့ဦးစာ သမ္မာကျမ်းစာ (၂၇)အုပ်စလုံးကို ခြုံငုံလေ့လာကြမည်။ အပြင်ပန်းလက္ခဏာအားဖြင့် အချိန်ကာလနှင့် တွက်ချက်ရမည်။ ဒုတိယအနေဖြင့် ၃ရာစုနှစ် အသင်းတော် ဖခင်ကြီးများနှင့် များယွင်းသောဆရာများ၏ သွန်သင်မှုမှစ၍ လေ့လာကြရမည်။ ထိုအချက်အလက်များက စိတ်ပါဝင်စားဖွယ်ကျမ်းစာရှင်ကို လက်ညိုးထိုးပြမည်။ ဥပမာ clement ပထမရာစုနှစ် ကုန်ခါနီးဟုဆိုသည်။ ထို့ကြောင့် ၂ရာစုတွင်ပေါလုရေးသည်ဆိုသည်မှာ မဖြစ်နိုင်။ အပြင်ပန်းလက္ခဏာဆိုရာတွင် ရေးဟန်၊ ဝေါဟာရအသုံးအနှုန်း၊ သမိုင်းဖြစ်စဉ်၊ စာသား၏ အဆီအနှစ်၊ အပြင်ပန်းလက္ခဏာပေါ်လွင်ပုံတို့ဖြစ်သည်။ ဥပမာလုကာခရစ်ဝင်ကျမ်းနှင့် တမန်တော်ဝတ္ထု ရေးသားသူသည် တစ်ပါးအမျိုးသားပညာရှင်ဖြစ်သည်ဟု ကောက်ချက်ဆွဲနိုင်သည်။

စာအုပ်အများစုသည် ၂ရာစု Marcion ၏ စာရင်းကို ကိုးကားသည်ဟုဆိုကြသည်။ Marcion ကလုကာနှင့် ပေါလု၏ဩဝါဒစာ (၁၀)စောင်ကို အသိအမှတ်ပြုသည်။ သို့သော် ထိုခေတ်၌ မည်သည့်စာအုပ်များ ရှိသေးကြောင်းပြောရခက်နေပြန်သည်။ The Muratorian canon (နောင်တွင် Italian Cardinal Muratori) ကရှေးရိုးအယူအဆသည် မှတ်တမ်းတင်အထောက်အကူပြုပါသည်။

မှတ်စု

^၁ (James) C Fernald, ed, “Emblem” Funk & Wagnalls Standard Handbook of Synonyms, Antonyms and Prepositions, p. 175.

^၂ (William) Kelly, An Exposition of the Gospel of luke p. 16.