ဆာလံကျမ်း ၄၃
ဆာ ၄၃ အသင်းနှင့် သမ္မာတရားပေးတော်မူပါ
အမွှာပူးဆာလံတေးဖြစ်သည်။ NEB ကျမ်းမူကမူ နှစ်ခုဖြစ်ကြောင်း မသိသာအောင် ဆက်စပ်ထားသည်။
၄၃:၁–၂ ရွှေဗဟိုရ်စည်သံ မကြားရသည့် ပြည်ပရောက်ကျေးကျွန်များက ဇိအုန်တောင်ပေါ်မှာ ဝတ်ပြု ကိုးကွယ်ချင်ကြသည်။ သို့သော်လည်း စိတ်ကသာမှန်းဆရမ်းယော်သည်။ လူမရောက်နိုင်၊ တိုင်းတပါးသာများနှင့် မတရားသူများ၏ ဖိစီးနှိပ်စက်မှုခံနေရသည်။ ဤကျမ်းပိုဒ်ကို အချို့သောဓမ္မပညာရှင်များက ဘေးဒဏ်ကြီး ကာလမှ ရွေးကောက်ခြင်းခံရသော ဣသရေလ လူနည်းစုတို့၏ခံစားချက် သရုပ်ဖော်သည်ဟု ဆိုကြသည်။ ဣသရေလလူမျိုးကို အသိအမှတ်မပြုသူများနှင့် အန္တိခရစ်က ဣသရေလတို့ပြည်သူများအား ဖိစီးနှိပ်စက်တော်မူ မည့်အကြောင်းဟု ဆိုကြသည်။
ဆာလံဆရာက ပထမဦးဆုံးဖေးမကူညီခြင်းတောင်းခဲ့သည်။ ဆာလံဆရာက သူ့လူများအား မယုံကြည် သူများ၏ ဖိစီးမှုနှင့် ဒုစရိုက်သမားများ၏ နှိပ်ကွပ်မှုဒဏ်မှ ကွယ်ကာပေးရန် ဘုရားရှင်ထံတောင်းပန်သည်။ ထိုအပြုအမူသည် ယုံကြည်သူများ၏ ပြင်းထန်သော ခံယူချက်၊ ရန်သူများ၏နှိပ်စက်ခြင်းအား လွန်မြောက်ရာ နည်းလမ်းကောင်းဖြစ်သည်။
၄၃:၃ ဇိအုန်တောင်ဘက်သို့ လှည့်လည်၍ အကောင်းမြင်ဝါဒဖြင့် ဆုတောင်းပြန်သည်။ ဆုတောင်းပဌာနာ ကျက်သရေရှိပုံကို ခံစားကြည့်ပါ။
အလင်းတော်နှင့် သစ္စာတော်စေလွှတ်တော်မူပါ။ အကျွန်ုပ်ကို လမ်းပြပါစေသော်။ သန့်ရှင်းသော တောင်တော်ပေါ်သို့၎င်း၊ တဲတော်သို့၎င်း ပို့ဆောင်ပါစေ။
ဘုရားသခင်၏ အလင်းတော်နှင့် ကတိတော်လာ သမ္မာတရားက ဆာလံဆရာ၏ ဘဝခရီးလမ်းကို လိုက်ပါစောင့်ကြပ်စေချင်သည်။ ဤကျမ်းချက်သည် ဆာ ၂၃:၆ နှင့် တနွယ်တည်းဖြစ်သည်။ ဘုရားသခင်၏ ကောင်းမြတ်ခြင်းနှင့် ကရုဏာတော်က လမ်းပြဦးဆောင်သည်။ ဘုရားသခင်၏သန့်ရှင်းရာတော်သို့ မလွဲဧကန် ပြန်ရောက်မည်ဟု မျှော်လင့်သည်။
၄၃:၄ အပိုဒ်ငယ် ၃နှင့် ၄ တို့၏ ဝိသေသထူးခြားချက်ကို မှတ်သားပါ။
သန့်ရှင်းတောင်တော်
တဲတော်
ဘုရားသခင်၏ ယဇ်ပလ္လင်
အကျွန်ုပ်ဝမ်းမြောက်ရွှင်လန်းရာ ဘုရားသခင်
စစ်မှန်သော ဝတ်ပြုကိုးကွယ်သူများသည် ပထဝီမြေဒေသနာအဆောက်အဦး ယဇ်ပလ္လင်ဟူ၍ အထွေ အထူးမရွေးချယ်ပါ။ ဘုရားသခင်ကိုယ်တော်တိုင်ကို တိုင်တည်ကိုးကွယ်သည်။
၄၃:၅ ဆာလံဆရာသည် တဏှာမငြိမ် စိတ်လှုပ်ရှားလျက် ဘုရားရှင်တော်ရှေ့တော်မှောက်သို့ ရောက်လာ ပြန်သည်။ သူ့စိတ်ကို ထိန်းသည်။ ဘုရားသခင်ကို ယုံကြည်ခြင်းသစ္စာတည်ဖို့ အားမွေးသည်။ ယုံကြည်စိတ်ချစွာ တောင်းလျှောက်လျှင် လိုတရမည်ဟု အဆုံးသတ်သည်။
အို ငါ့ဝိညာဉ် ငြိမ်လော့
အကောင်းဆုံးကောင်းကင်မိတ်ဆွေ ရှိလေပြီ။
ဆူးခင်းလမ်း ဖြတ်သန်းပြီးလျှင် ပျော်ရွှင်ခြင်းနိုင်ငံ ရောက်ပေမည်။
K.V.Schlegel