ဒံယေလအနာဂတ္တိကျမ်း ၁၂
(ခ) ဘေးဒဏ်ကြီး (အခန်း၁၂)
၁၂:၁–၃ အပိုဒ်ငယ် (၁) သည် ခရစ်တော်ဘုရား ဒုတိယအကြိမ်ကြွလာသောအခါ ဘေးဒဏ်ကြီးကာလ သုံးနှစ်ခွဲ သက်ရောက်လိမ့်မည်။ သေလွန်သူအချို့သည် ခရစ်နှင့်အတူ အနှစ်တထောင်ကာလ စိုးစံဖို့ ပြန်လည်ထမြောက်လာကြမည်။ မတရားဆိုးညစ်၍ သေလွန်သူများသည် ဘေးဒဏ်ကြီ:ကာလ ကုန်ဆုံးသည့်အခါ ပြန်လည်ထမြောက်ကြမည် (ငယ်၂၊ဗျာ ၂၀:၅ ကိုလည်းကြည့်ပါ)။ ဘေးဒဏ်ကြီးကာလတွင် ပေါ်ထွန်းသည့် သန့်ရှင်းသူများသည် ဉာဏ်ပညာရှိ၍ သခင်ဘုရားကို နာခံကြသောကြောင့် တခြားသူများကိုလည်း ယုံကြည်ခြင်းနှင့် ဖြောင့်မတ်ခြင်းတရားသွန်သင်ကြမည်။ ထိုသို့ သွန်သင်သက်သေခံနိုင်ကြသည့်အတိုင်း ထာဝရကာလ ဘုန်းတန်ခိုး ကျက်သရေပြည့်စုံကြမည်။
အပိုဒ်ငယ် (၂) သည် ရုပ်ပိုင်းဆိုင်ရာ ပြန်လည်ထမြောက်ခြင်းမဟုတ်၊ တမျိုးသားလုံးနှင့်ယှဉ်၍ စိတ်သဘောထားခံယူချက် ပြောင်းလဲခြင်းဖြစ်သည်ဟု အချို့ကကျမ်းစာ ပညာရှင်များက ဆိုသည်။ ဘုရားသခင်၏ လူများပြန်လည်စည်းကြမည်။ ထိုအထဲမှ ဧဝံဂေလိတရားကို လက်သင့်ခံသော လူနည်းစုက အနှစ်တထောင် နိုင်ငံတော်တွင် စိုးစံကြရမည်။ ထာဝရအသက်ရရှိဖို့ တပ်လှန့်နှိုးဆော်ခြင်းတရပ် ဖြစ်သည်။ အခြားအန္တိခရစ်များသည် ပြစ်တင်ရှုတ်ချခြင်းခံရမည်။ အရှက်ရ၍ ထာဝရအသရေ ပျက်ခြင်းခံစားကြသည်။ ရာစုနှစ်ပေါင်းများစွာ မြေမှုန့်ထဲသို့ မြှုပ်နှံပြီးသူများသည်လည်း နိုးကြားမည်။ ဣသရေလများနိုးထကြ၍ ကျန်ကြွင်းသော ယုံကြည်သူများသည်လည်း ဝိညာဉ်ရေးရာ နိုးထကြမည် (ဟေရှာ ၂၆:၁၉၊ယေဇ ၃၇)။
၁၂:၄ ဤစကားတော်များကို ဒံယေလအား စာအုပ်ထဲတွင်ရေ:မှတ်၍ တံဆိပ်ခတ်နှိပ်ခိုင်းထားသည်။ အပိုဒ်ငယ်(၄) ဒုတိယပိုင်းသည် သိပ္ပံနည်းကျသော ဉာဏ်ပညာတိုးပွားစေပါသည်။ သို့သော် ထိုမျှသာမကပါ။ Darby က “လူအများက အလေးအနက် ထားစုံစမ်းလေ့လာကြမည်” ဟုဆိုသည်။ Tergelles က “အဆုံးမှ အဆုံးတိုင်အောင် နှိုက်နှိုက်ချွတ်ချွတ်လေ့လာ ကြမည်၁၅ဟု ထောက်ခံထားသည်။ ဆိုလိုသည်မှာ ဤပရောဖက်ပြုချက်ကို လူအများက လေ့လာခြင်းဖြင့် အသိဉာဏ်တိုးပွား၍ ဘေးဒဏ်ကြီးကာလအကြောင်းပိုမို သိရှိနားလည်ကြမည်။
၁၂:၅–၁၀ ဤကျမ်းတွင် သာမန်လူနှင့် မတူတမူထူးခြားစွာ ပိတ်ချောဝတ်ဆင်၍ မြစ်တဖက်ကမ်း၌ ရပ်နေသူအား တခြားတဖက်ကမ်းမှ လူတစ်ယောက်က မေးမြန်းပုံကို ရေးထားသည်။ ဤအမှုအရာမကုန်စင်မီ အဘယ်မျှလောက်ကြာဦးမည်နည်း ဟုမေးသည်။ ကြာမည့်အချိန်ကာလသည် သုံးနှစ်ခွဲ ဖြစ်သည်။ တစ်ကာလ၊ နှစ်ကာလ၊ ကာလတဝက်ပတ်လုံးဟုဆိုသည်။ ထိုအမှုအရာများကို ဒံယေလကသဘောမပေါက်၍ ထပ်မေးသောအခါ “သွားလော့၊ ထိုစကကားသည် အမှုကုန်ရသည်ကာလတိုင် အောင်ပိတ်၍ တံဆိပ်ခတ်ထားလော့ဟု” အမိန့်ပေးခြင်းခံရသည်။ သေချာသည်မှာဖြောင့်မတ်သူများသည် စင်ကြယ်ခွင့်ရကြမည်။ ဆိုးညစ်သူများသည် မိမိစရိတ်နှင့်ကို မိမိဖြစ်ကြရမည်။ ပညာရှိများသာလျှင် နားလည်နိုင်ကြမည်။ ဘေးဒဏ်ကြီးကာလအစမှ အဆုံးသည် တစ်ကာလ၊ နှစ်ကာလ၊ကာလတဝက် (သုံ:နှစ်ခွဲသို့မဟုတ် ရက်ပေါင်း ၁၂၆၀) ကြာရှည်မည်။
၁၂:၁၁ ဘေးဒဏ်ကြီးကာလမစမီ ရက်ပေါင်း (၃၀) လုံးလုံး ယေရုရှလင်ဗိမာန်တော်၌ စက်ဆုတ်ရွံရှာဘွယ်ရာပြုလုပ်ကြမည်။ ရက်ပေါင်းတစ်ထောင့်နှစ်ရာကိုးဆယ်ကြာလိမ့်မည် ဆိုသည်မှာ ထိုနေ့ရက်များထည့်တွက်ခြင်းဖြစ်သည်။
၁၂း၁၂ ရက်ပေါင်းတစ်ထောင့်နှစ်ရာကိုးဆယ်ကြာလိမ့်မည် ဆိုသည်မှာ ခရစ်တော်ဘုရားကြွလာပြီးနောက် ရန်သူများအားအပြစ်စီရင်၍ ခရစ်တော်အုပ်စိုခြင်း အစပြုခြင်း ကာလဖြစ်သည်။
၁၂:၁၃ ဒံယေလသည်လည်း အနားယူ(သေ) မည်။ ငြိမ်ဝပ်စွာနာယူပြီ:သော် ပြန်လည်ထမြောက်၍ သခင်ယေရှုခရစ်တော်နှင့်အတူ အနှစ်တထောင်နိုင်ငံတော်၌ ပျော်ရွှင်ချမ်းမြေ့စွာ ကောင်းမင်္ဂလာခံစားမည်။
မှတ်စု
၁။ (နိဒါန်း) Merrill F. Unger, Introductory Guide to the Old Testament, p. 396.
၂။ (နိဒါန်း) Ibid, p. 399.
၃။ (နိဒါန်း) Anderson က ဒံယေလ၏ သီတင်းပတ်(၇၀) ပရောဖက်ပြုချက်ကို The Coming Prince စာအုပ်တွင် အသေးစိတ်ရာဇဝင် သက္ကရာဇ် စဉ်လာကျကျရေးထားသည်။
၄။ (၄:၁၉-၂၆) Boanthropy (xo-man)မနုဿဥဿဘသည် monomania ရောဂါဖဖြစ်သည်။ Dr. R. K. Harrison က လန်ဒန်စိတ်ရောဂါပညာရှင် တက္ကသိုလ်တွင် ထိုရောဂါမျိုးအကြောင်း အသေးစိတ်သုတေသနပြုထားသည်။ (Introduction to the Old Testament, pp.114-117)
၅။ (၅:၁၀-၁၆) ဗေလရှာဇာ၏ မိဘုရားမဟုတ်ပါ။ မိဘုရားမယ်တော်သာဖြစ်သည်။
၆။ (၅:၂၅-၃၁) Tekel သည် ဟေဗြဲဘာသာ Shekel နှင့် ဆက်စပ်သည်။ ဝေါဟာရအသုံးနှုန်းများသည် ထိုကာလသုံးစကားလုံး (အာရမိတ်ဘာသာ) ဖြစ်သော်လည်း သညာဝှက်အထာစကားဖြစ်ကြောင့် လူမျိုးများကပို၍ နားမလည်နိုင် လူမျိုးခြားမဆိုထားဘိ၊ အာရမိတ်ဘာသာစကားသုံးသော လူမျိုးများပင် သဘောမပေါက်နိုင်ကြပေ။
၇။ (၆:၉-၁၃) ဧသတာဝတ္ထုတွင်လည်း အာရွှေရုမင်သည် မိမိနှင့် မဆိုင်သည့် ယဇ်ပလ္လင်နှင့် ပတ်သက်သော ပညတ်ချက်ထုတ်ပြန်ပြီ:၊ သူ့လူများကို ညှဉ်းဆဲခဲ့သည်။ ထိုသို့ ဂန္တိဝင်ကြမ္မာဆိုး ရင်ဆိုင်ခဲ့ကြသော်လည်း ယုံကြည်ကိုးကွယ်မှုကြောင့် နှစ်ယောက်လုံး လွတ်မြောက်ခဲ့ကြသည်။ ထိုသူနှစ်ယောက်စလုံးသည် ပေရသိ(ပါရှား) နိုင်ငံသားများမဟုတ်။ ဧည့်နိုင်ငံသားများ ဖြစ်သည်။ ထိုအမှုအရေးအရာများတွင် ပါရှန်ဘုရင်က လက်မှတ်ထိုး၍ အမိန့်စာချွန်ထုတ်ခဲ့ကြသည်။ သို့သော် ဘုရားလူများသည် အသီးသီးလွတ်မြောက်ခဲ့ကြသည်။
၈။ (၇:၁-၃) တောင်ပံရှိသောခြင်္သေ့မှာ ဗာဗုလုန်နိုင်ငံ၏ အထိမ်းအမှတ် သင်္ကေတ ဖြစ်သည်။ ဂရီဗြိတိန်နိုင်ငံ၏အမှတ်သင်္ကေတဖြစ်သည် ခြင်္သေ့၊ အမေရိကန်နိုင်ငံ၏အမှတ်အသားသည် လင်းယုန်ကဲ့သို့ အမှတ်လက္ခဏာတံဆိပ်ဖြစ်သည်။
၉။ (၈:၉-၁၄) Antiochus၏ ယုဒလူမျိုးမုန်းတီးသည် ဟာမန်နှင့် ဟစ်တလာတို့ကဲ့သို့သော မုန်းတီးမှုမျိုးဖြစ်သည်။ လာမည့်အန္တိခရစ်ကို ပုံဆောင်သည်။ Antiochusသည် သူ့အား ဧပိဖနိတ် Epiphaes ဟုအခေါ်ခံလိုသည့် Epimanes(အရူး)ဟုသာ ခေါ်ကြသည်။ သူ့ဘဝဖြစ်ကြောင်းကုန်စင်ကို ကျမ်းပယ်ဖြစ်သော မက္ကာဘီကျမ်း Maccabees တွင် ရေးထားသည်။
၁၀။ (၉:၂၀-၂၃) ဟေဗြဲဘာသာစကားတွင် သီတင်းပတ်သည် “၇” ဂဏာန်ကို စံပြုသည်။ ထိုကြောင့်အချို.တို့က heptad ဟူသော ဂရိဝေါဟာရသုံ:သည်။ ဂရိဘာသာဖြင့် “၇” ဖြစ်သည်။
၁၁။ (၉:၂၆) Anderson ၏အလိုအရ အေဒီ ၃၂၊ ဧပြီလ ၆ ရက်နေ့ဖြစ်သည်။ Dr. Harold Hoehner ကဘီစီ ၄၄၄ က အစပြု၍ အေဒီ ၃၃တွင် ဆုံးသည်ဟုဆိုသည်။ Bibliotheca Sacra, January-March, 1975,pp.6264 ကိုကြည့်ပါ။
၁၂။ (၁၀:၁၀-၁၄) Leon Wood, Commentary on Daniel, pp 272,273.
၁၃။ (၁၀:၁၀-၁၄) William Kelly နှင့် အချို့ကျမ်းစာ ဆရာများက အပိုဒ်ငယ် ၁၃တွင် စကားပြောသူမှာ ဘုရားသခင်ထက်အခြားတစ်ဦး ပိုဖြစ်နိုင်သည်ဟု ယူဆကြသည်။
၁၄။ (၁၁:၅-၆) မြောက်ဘုရင်နှင့် တောင်ဘုရင်ဟူသော စကားဝေါဟာရအသုံးအနှုန်းသည် အရေးကြီးသည်။ ထိုခေတ်ကာလတွင် နန်းစံသော ဆီးရီးယားနှင့်အဲဂုတ္တုဘုရင်တို့ကို အသီးသီးရည်ညွှန်းသည်။ သမိုင်းတခေတ်တွင် စိုးစံသော ဆီးရီးယားနှင့် အဲဂုတ္တု ဘုရင်များကို သင်္ကေတပြုခေါ်ဆိုခြင်းမဟုတ်ပါ။
၁၅။ (၁၂:၄) S.P. Tregelles, The Prophetic Vision in the Book of Daniel, p.158.