ဒံယေလအနာဂတ္တိကျမ်း ၂
၂။ သတ္တုလေးမျိုးဖြင့်ပြုလုပ်ထားသောပုံတော်၊ နေဗုခပ်နေဇာအိပ်မက်မက်ခြင်း (အခန်း၂)
၂:၁-၁၃ နေဗုခပ်နေဇာမင်းကြီ:က ထူးခြားဆန်းပြားသောအိပ်မက်မက်သဖြင့် အိပ်မက်ဝိဇ္ဇာပညာရှင်၊ ပုဏ္ဏားဖြူ၊ ပုဏ္ဏားညိုများကို ဆင့်ခေါ်၍ အနက်ပြန်ဆိုခိုင်းသော်လည်း ပြန်မဆိုနိုင်ကြ။ အတင်းပြန်ဆိုခိုင်းသည်။ ခက်သည်မှာ ဘုရင်ကိုယ်တိုင်က သူ့အိပ်မက်ကို မမှတ်မိ။ ထိုသို့ဖြစ်ရသည့်အကြောင်းကို ဘုရင်ပညာရှင်သုခမိန် ခါလဒဲက ဝိဓိုရ်များကို ဆင့်ခေါ်သော်လည်း အိပ်မက်ကိုဖော်မရကြ။ အဓိပ္ပါယ်လည်းနားမလည်။ ထိုသို့ဖြစ်ရသည် အကြောင်းအရင်းကိုလည်း မသိကြ။ သို့ကြောင့် အမျက်ဒေါသ ပေါက်ကွဲပြီး ရှိရှိကမျှပညာရှိများ (ဒံယေလနှင့် အဖော်များလည်းပါသည်)ကို သတ်ဖြတ်ပစ်ရန် စီစဉ်သည်။
၂:၁၄-၃၀ ဒံယေလ၏ ဆုတောင်းသံကို ဘုရားသခင်က နားညောင်းတော်မူသဖြင့် ဘုရားသခင်က ဒံယေလအား နေဗုခပ်နေဇာမင်း၏ အိပ်မက်နှင့်အနက်အဓိပ္ပါယ်ကို ဖွင့်ဆိုပေးသည်။ ဒံယေလသည်လည်း ကောင်းကင်ဘုံရှင်ဘုရားသခင်အား ချီးမွမ်းကိုးကွယ်သည်။ သို့နောက် ဗာဗုလုန်ပညာရှိများကို သတ်ဖြတ်ရန် ထွက်သွားသော ကိုယ်ရံတော်တပ်မှူးအာရုတ်ထံသို့ သတင်းပို့လိုက်သည်။ သူ့ကိုယ်ရံတော်တပ်မှူးကလည်း ဒံယေလအား ဘုရင်ရှေ့တော်သို့ ခေါ်သွင်းလိုက်သည်။ ဒံယေလက ဘုရင့်အိပ်မက်ကို ဘုရားရှင်တော် ဖွင့်ပြပေးသည့်အတိုင်း အကုန်အစင် လျှောက်လဲလိုက်သည်။
၂:၃၁-၃၅ ဘုရင်ကြီးသည် ထူးဆန်းသောရုပ်တုကြီးကို မြင်မက်ကြောင်း အရောင်အဝါနှင့်ပြည့်စုံ၍ ကြောက်မက်ဖွယ်ပုံ သဏ္ဍာန်ရှိကြောင်းလျှောက်လဲသည်။ ရုပ်တုကြီး၏ ဦးခေါင်းကို ရွှေ။ ရင်ဘတ်နှင့်လက်မောင်းများကို ငွေ၊ ဝမ်းဗိုက်နှင့် ပေါင်များကိုကြေး၊ ခြေထောက်များကို သံ၊ ခြေဖမိုးနှင့်ခြေဖဝါးကို သံတပိုင်းသရွတ်တပိုင်းဖြင့် ပြုလုပ်ထားသည်။ နေဗုခပ်နေဇာမင်းက ထိုရုပ်တုကြီးကို ကြည့်ရှုစဉ် အလိုလို ကျောက်ခဲတတုံး ပြုတ်ကျ၍ ရုပ်တု၏ခြေထောက်ချိုးဖဲ့သွားရာ ချိုးပဲ့ကျသွားသော သရွတ်များသည် တောင်ကြီးမျှကြီးမားသွားမြေတပြင်လုံးကို ဖုံးလွှမ်းသွားသည်။
၂:၃၆-၄၅ သတ္တုလေးမျိုးဖြင့် ဖော်စပ်ထားသော ရုပ်တုကြီး၏ အိပ်မက်အဓိပ္ပါယ်မှာ တပါးအမျိုးသားလေးမျိုး တန်ခိုးသြဇာကြီးထွားလာပြီး ယုဒလူမျိုးများကို လွှမ်းမိုးအုပ်စိုးကြမည့် အကြောင်းဖြစ်သည်။ နေဗုခပ်နေဇာမင်းကြီးသည် ဧကရာဇ်အချူပ်အချာ၊ အာဏပိုင်ရှင် ပြည့်ရှင်မင်းတရားကြီး (ဗာဗုလုန်) ဖြစ်မည်။ ဦးခေါင်းကိုရွှေ (ငယ်၈) ပြုလုပ်သည့်အနက် ဖြစ်သည်။ ငွေသည် ပါရှားနိုင်ငံကို ကိုယ်စားပြုသည်။ ကိုယ်စားပြုလုပ်ထားသော လက်တဖက်သည် Media ဖြစ်၍ ကျန်တဘက်သည် ပါရှားပြည်ဖြစ်သည်။ ဗိုက်နှင့်ပေါင်တွင် ကြေးဖြစ်ပြုလုပ်သည်ဆိုသည်မှာ တတိယတိုင်းပြည် ဂရိကိုယ်စားပြုသည်။ သံဖြင့်လုပ်ထားသော ခြေထောက်များသည် ရောမအင်ပါယာကို ရည်ညွှန်းသည်။ ခြေထောက်ျားသည် အရှေ့တိုင်းပြည်နှင့် အနောက်နိုင်ငံတော်များကို ကိုယ်စားပြုသည်။ သံတပိုင်းသရွတ်တပိုင်းဖြင့် မွမ်းမံထားသော ခြေဖမိုးနှင့်ခြေဖဝါးမှာ ရောမအင်ပါယာကို ဆိုလိုသည်။ ခြေထောက်ဆယ်ချောင်းများသည် တိုင်းပြည် (၁၀)ခုကို ကိုယ်စားပြုသည်။ (ခြေဖဝါးနှင့်ခေဖမိုးမပါဘဲ အသုံးပြုသောပစ္စည်းများမှာ အဘိုးတန်ဓါတ်သတ္တုလေးမျိုးဖြင့် ပုံဖော်ထားပြီးသကာလ အခန်း (၇) တွင် နိုင်ငံတော်ကို သားရဲများဖြင့် တဖန် ပုံဖော်ထားပုံကို တွေ့ကြဦးမည်။ သခင်ယေရှုသည် ထိုကျောက်တုံးဖြစ်သည်။ ကိုယ်ထိလက်ရောက်မကျူးလွန်ဘဲ ထိုတိုင်းနိုင်ငံများကို ဖျက်ဆီးပစ်မည်။ တိုင်းပြည်လေးပါး ဖျက်ဆီးသည့်အပြင် ကမ္ဘာကြီးတခုကို အုပ်စိုးဦးမည်။ ခရစ်တော်တည်ထောင်သော နိုင်ငံတော်သည် နိစ္စထာဝရ တည်မြဲမည်။
၂:၄၆-၄၉ ဒံယေလ၏ ဉာဏ်ပညာထက်မြက် ကြီးမားပုံနေဗုခပ်နေဇာမင်းကြီး မြင်တွေ့သောအခါ ဗာဗုလုန်နိုင်ငံ ဝန်ကြီးအဖြစ်၎င်း၊ ဗာဗုလုန်ပညာရှင်ဝန်ကြီး အဖြစ်၎င်း အခန့်အပ်လိုက်သည်။ ဆုလက်ဆောင်ပဏ္ဏာများစွာ ချီးမြှောက်၍ သူကောင်းပြုလိုက်သည် ဒံယေလ၏ အဖော်သုံးပါးကိုလည်း သူ၏လက်ထောက်များအဖြစ် အသီးသီး ရာထူးချီးမြှင့်လိုက်သည်။