ဆာလံကျမ်း ၁၇
ဆာ ၁၇၊ အမြဲပေါပါက်သာ ပဟေဠိ
တစုံတခုအမှားအယွင်းပြုလုပ်မိ၍ ပြဿနာတတ်လာသောအခါ လိပ်ပြာမသန့်ကြ။ တန်ရာတန်ကြေးပေးဆပ်ရမည်ဟု သိရှိကြသည်။ အမှားအယွင်းပြုလုပ်ခြင်းနှင့် ပြဿနာတွက် ငြင်းမည်အမြဲတမ်းမဆက်စပ်ပါ။ ဖြောင့်မတ်သူများသည်လည်း ပြဿနာဒုက္ခ ကြုံရတတ်သည်။ ထိုအကြောင်းကို ရှင်ပေတရုက ဘုရားသခင်၏သားသမီးအတွက် အမြဲပေါ်ပေါက်တတ်သောပဟေဠိဟုခေါ်သည်။ထိုအကြောင်းကို ဒါဝိဒ်လည်း သဘောပေါက်သည်။ သူကိုယ်တိုင်လည်း ကိုယ်တိုင်ကိုယ်ကျ ခံစားရသည်။ တရားမျှတစွာ စီရင်သည်။ တရားမျှတမှုရှိသောယုံကြည်ခြင်းပေတည်း။ဒါဝိဒ်သည်သူ့ကိုယ်သူ ကွယ်ကာစောင့်ရှောက်သူဖြစ်သည်။ သူ၏သစ္စာရှိမှုကို ထုတ်ဖေါ်၍ သူဖြောင့်မတ်ကြောင်း ကျယ်လောင်စွာ ပြောဆိုသည်။ သူ့တွင်အပြစ်အနာအဆာ လက်ညှိုးထိုးသူမရှိလေဟန်ပြောဆိုသည်။ သို့သော် ထိုစကားသည် ယတိပြတ်မမှန်ပါ။သူ့ဘဝသည် ခြောက်ပြစ်ကင်းသဲလဲစင်မဟုတ်ပါ။နေရာတိုင်းမှာ မသန့်ရှင်းနိုင်ပါ။ သူ့ရန်သူများအပေါ်ပျက်စီးသွားအောင် မကောင်းသည့်စိတ်ထားမရှိဟုဆိုလိုသည်။ သူ့အကြောင်းကို ဆက်လက်လေ့လာကြည့်ကြပါစို့။
၁၇း၁-၂ “အို.. ထာဝရဘုရား၊ တရားဘက်မှာနေ၍ အကျွန်ုပ်အော်ဟစ်သံကို မှတ်တော်မူပါ” လျှောက်ထားသမျှကို ဆင်ခြင်အောက်မေ့တော်မူပါ။ မတရားသဖြင့် ညှဉ်းပန်းနှိပ်စက်ခြင်းခံနေရသည်။ လျှောက်ထားသမျှတွင် မမှန်မကန်မပါရှိပါ။အမှန်အတိုင်းဖြစ်ပါသည်။ ကိုယ်တော်ရှေ့တော်တွင်အမှန်အကန်ဖြစ်ကြောင်း ကျိန်ဝံ့ပါသည်။ ဖြစ်သမျှကိုကြည့်ရှုတော်မူပြီး တရားသဖြင့် စီရင်ပေးတော်မူပါ။
၁၇း၃-၅ အကျွန်ုပ်၏ စိတ်နှလုံးကိုလည်းစစ်ဆေးတော်မူပါ။ ညဉ့်နက်သန်းခေါင်မှာဖြစ်စေအလင်းရောင်ထဲမှာဖြစ်စေ စစ်ဆေးကြည့်ပါ။ ဖြောင့်မတ်မှန်ကန်ပါသည်။ မှန်သောစကားကိုဆိုကြောင်းဝန်ခံပါသည်။ မတရားသောသူများက ရုန်းရင်းဆန်ခတ်ပြုကြပါသော်လည်း၊ အကျွန်ုပ်မှာမူကား ကျမ်းစာလာစကားတော်အတိုင်း စောင့်ထိန်းပါသည်။ မိမိခွန်အားကို အားမကိုးဘဲ၊ ကတိတော်နှင့် အမိန့်တော်အတိုင်း နာခံပါသည်။ ခြေလှမ်းများ ခလုတ်မတိုက်မချော်လဲမိစေရန် စောင့်ထိန်းတော်မူပါ။ ရန်သူများအား အခွင့်အရေးမပေးမိဖို့ သွန်သင်တော်မူပါဘုရား။
၁၇း၆-၇ ကိုယ်တော်ထံတော်ပါးသို့ ချဉ်းကပ်ပါသည်။ အကျွန်ုပ်၏ တရားသဖြင့် လျှောက်လဲသံများကို နားထောင်တော်မူ၍ အဖြေပေးတော်မူပါ။ကိုယ်တော်သည် အကျွန်ုပ်အား ရန် သူ လက်မှကယ်နှုတ်၍ လက်ယာတော်တွင် ထားနိုင်ပါသည်။အထံတော်သို့ ယခုပြေးလာပါသည်။ ကိုယ်တော်၏အံ့ဘွယ်မေတ္တာတော် ကရုဏာတော်ကို ပြသတော်မူပါဘုရား။
၁၇း၈-၁၂ မျက်ဆန်ကို ဂရုစိုက်စောင့်ရှောက်ရသကဲ့သို့ အကျွန်ုပ်ကို ဂရုတစိုက်စောင့်ထိန်းတော်မူပါ။ မျက်ဆန်၊ သူငယ်အိမ်ကို မျက်ခွံ၊ မျက်ခုန်း၊မျက်တောင်မွှေး၊ မျက်ခွံရိုးအစရှိသဖြင့် အထပ်ထပ်ဘေးရန်ကွယ်ကာကြပါသည် (FB Meyer)။ အတောင်တော်အောက်မှာ သိမ်းဆည်းဝှက်ထားတော်မူပါ။ သို့မှသာ မတရားသဖြင့် အနိုင်အထက်ပြုသူများ၏ဘေးရန်မှ အသက်အိုးအိမ်လုံခြုံပေမည်။ သိတော်မူသည့်အတိုင်းရန်သူများသည် အဆီအသားများကို ကိုက်ဖဲ့ကြ၍ မောက်မာထောင်လွှားစွာ ပြောဆိုကြသည်။သနားညှာတာခြင်းမရှိ ဘယ်သူသေသေငတေမာလျှင်ပြီးရော ပြုကြပါသည်။ အကျွန်ုပ်ကို ဝိုင်းကြည့်ကြသည်။ သူတို့မျက်လုံးစုံသည် ကိုက်စားတော့မည့်အတိုင်း ဝိုင်းကြည့်ကြသည်။ ငတ်မွတ်သောခြင်္သေ့ကဲ့သို့ ဟန်ရေးငယ်တပြင်ပြင်ရှိကြသည်။ သားကောင်ကို ခုန်အုပ်အမဲဖြတ်တော့မည့် ခြင်္သေ့ ပျိုကဲ့ သို့ခြုံကွယ်မှ အသင့်စောင့်နေကြပါသည်။
၁၇း၁၃-၁၄ “ကိုယ်တော်ဘုရား၊ ရိုးသားစွာတောင်းလျှောက်ပါသည်။ အကျွန်ုပ်ကို ကွယ်ကာတော်မူပါ။ ရန်သူများကိုတွန်းလှဲတော်မူပါ။ အသက်ကို ချမ်းသာပေးတော်မူပါဘုရား။ ရန်သူများသည်လိုလေသေးမရှိ၊ ဥစ္စာ၊ ပစ္စည်းကြွယ်ဝကြပါသည်။သားသမီးများသည်လည်း အလျှံပယ်ဝလင်ကြပါသည်။ မြေးမြစ်များတိုင်အောင် အမွေဥစ္စာပေးနိုင်ကြပါသည်။
၁၇း၁၅ အကျွန်ုပ်မှာမူကား ကိုယ်တော်၌တည်သောကြောင့် လုံလောက်ပါသည်။ လောကီရုပ်တုပစ္စည်းများထက် ဝိညာဉ်ရေးရာကိုသာ စိတ်ဝင်စားတန်ဘိုးထားပါသည်။ မျက်နှာတော်ကို ဖူးမျှော်ရလျှင်ကျေနပ်ပါသည်။ အပြစ်သားများကဲ့သို့ မဖွယ်မရာမတောင်းဆိုလိုပါ။ အိပ်ယာမှ နိုးထလာသောအခါပုံသဏ္ဍန်တော်နှင့် တူသောကြောင့်ဝမ်းသာမိပါသည်။
E. Bendor Samuel က အပိုဒ်ငယ် ၁၅နှင့်၁ယော ၃း၂တို့ ဆက်စပ်ပုံ ဤသို့ပြထားသည်။
အားရကျေနပ်ခြင်း ၁ယော။ အဘယ်သို့သောသူဖြစ်မည်
ဟုမထင်ရှားသေး။ သို့သော်လည်း
ဆာ။……..ဖြောင့်မတ်၍၊
မဟာပုံသဏ္ဍာန် ပြောင်းလဲမှု ၁ယော။ ငါတို့သည် ကိုယ်တော် နှင့်
တူကြလတံ့။
ဆာ။…….နိုးသောအခါပုံသဏ္ဍာန်ပြည့်စုံရပါလိမ့်မည်။
ရူပါရုံ ချဲ့သော် ၁ယော။ ကိုယ်တော်ဖြစ်တော်မူသည့်အတိုင်း မြင်ရကြလတံ့။
ဆာ။……. မျက်နှာတော်ကို ဖူးမြင်ရပါလိမ့်မည်။
၁ကော ၁၅း၅၁-၅၅နှင့် ဗျာ ၂၂း၄တို့ကို ကြည့်ပါ။