ဓမ္မရာဇဝင်တတိယစောင် ၁၄
၄။ ယေရောဗောင်၏ သားသေဆုံးခြင်း (၁၄:၁–၂၀) ၁၄:၁–၄ ယေရောဗောင်၏သား အဘိယအသည်းအသန်ဖျားနာသောအခါ မိဖုရားကြီးအား ပရောဖက်အဟိယထံသို့ တိုးတိုးတိတ်တိတ်သွားမေးခိုင်းသည်။ ရှိလောမြို့ရှိ ထိုယဇ်ပုရောဟိတ်အိုသည် ယေရောဗောင်အား ဣသရေလလူ-၁၀မျိုးကို အုပ်စိုးရမည့်အကြောင်း ပရောဖက်ပြုခဲ့သူဖြစ်သည်။ မိဖုရားကို ရုပ်ဖျက်၍ တိုးတိုးတိတ်တိတ်သွားစေခြင်းမှာ အကြောင်းရှိသည်။ ပထမအချက်မှာ ပြောင်ကျကျသွားလျှင် ဒန်မြို့နှင့်ဗေသလမြို့ရှိ မိမိတည်ထားသောရုပ်တုများအား မထီမဲ့မြင်ပြုရာကျမည်။ ဒုတိယအချက်မှာ ထိုယဇ်ပုရောဟိတ်အိုသည် ရုပ်တုဆင်းတုကိုးကွယ်ခြင်း မနှစ်သက်သဖြင့်...