ဟေရှာယအနာဂတ္တိကျမ်း ၇
(ဂ)ဧမာနွေလဘုရား(အခန်း၇-၁၂) ၁။ အံ့ဩဖွယ်ရာဖွားမြင်တော်မူခန်း(အခန်း၇) ၇:၁-၂ ခရစ်တော်ဘုရားပေါ်ထွန်းမည့်အကြောင်းပရောဖက်ပြုချက်များ ဖြစ်သောကြောင့် (အခန်း၇-၁၂)ကိုဧမာနွေလဝတ္တုတော်ဟုဆိုကြသည်။ အခန်း၆နှင့်၇အကြားတွင် ဟေရှာယသည်ယောသိမ်နှင့်အာခပ်မင်း အကြောင်းကိုချန်လှပ်ထားသည်။ ရှုရိနှင့်ဣသရေလ(ဧဖရိမ်)တို့မဟာမိတ်ပေါင်း ဖက်၍၊ ယုဒနှင့်ယေရုရှလင်အားခြိမ်းခြောက်အန်တု သည့်အချိန်ကာလဖြစ် သည်။ ၇:၃ ဟေရှာယနှင့်သားယာရှုပ်သည်ခဝါသည်၏လယ်ထိပ်ရေပြွန်ပေါက် တွင်အာဟပ်မင်းအားသွားရောက်ကြိုဆိုကြသည်။ မြို့သူမြို့သားများရေဖူလုံဖို့ အာခပ်မင်းသွားရောက်ကြည့်ရှုစစ်ဆေးခြင်းဖြစ်နိုင်သည်။ ထိုခဝါသည်၏အ လယ်တွင်ရေချိုးအဝတ်လျှော်နေလှမ်းကြသဖြင့်သွားရောက်ကြည့်ရှုခြင်းဖြစ် မည်။ ၇:၄-၉ ပရောဖက်ဟေရှာယအားကြောက်ရွံ့စိုးရိမ်ဖို့မရှိဖို့ဘုရားသခင်က မှာထားသည်။ ရှုရိမင်းနှင့်ဣသရေလ(ရေဇိန်နှင့်ပေကာ)တို့သည်ထင်းစပမာ အမျက်ဒေါသခိုးတငွေ့ငွေ့ထွက်ကြသော်လည်းမကြောက်နှင့်။ ထိုသူများသည်ယုဒပြည်အားတိုက်ခိုက်သိမ်းပိုက်၍တာဗေလ၏သား အားရုပ်သေးဘုရင်အဖြစ်တင်မြှောက်၍ကြံစည်ကြသော်လည်းအထမမြောက်။ ...