စျ။ ပေါလု၏ရောမသို့သွားသော ရေကြောင်းခရီးနှင့် သင်္ဘောပျက်ခြင်း (၂၇:၁– ၂၈:၁၆) ဤအခန်းတွင် ကဲသရိမှ မေလိတေ မှတဆင့် ရောမသို့ ပင်လယ်ရေကြောင်းခရီးဖြင့် ရွက်လွှင့်ကြရာတွင် သဘာဝဘေးအန္တရာယ် လေမုန်တိုင်းနှင့် ကြုံတွေ့၍ သက်စွန့်ဆံဖျား အသက်လုကြပုံကို ရေးထားသည်။ အကယ်၍ ပေါလုသာ ထိုခရီးစဉ်တွင် မပါခဲ့လျှင် ထိုသင်္ဘောနှင့် ခရီးသည်များ၏ ကံကြမ္မာသည် တွေးဆစရာမရှိ။ ပြန်ပြောမည့်သူလည်း ရှိမည်မဟုတ်။...
၂၈:၁–၂ ကုန်းမြေပေါ်သို့ ရောက်သောအခါ ထိုအရပ်ဒေသသည် မေလိတေကျွန်းဖြစ်ကြောင်း သိရသည်။ ထိုကျွန်းသားများသည် သင်္ဘောပျက်၍ အသက်ဘေးအန္တရာယ် ရင်ဆိုင်သူများ ကြုံတွေ့ဖူးသူများဖြစ်သည်။ ထို့ကြောင့် သနားကြသဖြင့် မီးပုံထည့်ပေးကြသည်။ နွေးထွေးအောင် ဖန်တီးပေးကြသည်။ မိုးဒဏ်လေဒဏ်မှ သက်သာအောင် အမိုးအကာအောက်သို့ ပို့ဆောင်ပေးကြသည်။ ၂၈:၃ မီးပုံတောတိုးနေကြစဉ် ပေါလုသည် ထင်းချောင်းများ ပွေ့ပိုက်လာပြီး မီးပုံထဲသို့ ထည့်ပေးသည်။ ထိုထင်းပုံထဲမှာ ပါလာသောမြွေပွေးတကောင်ထွက်လာပြီး ပေါလု၏...