ဆာလံကျမ်း ၁၂၆
ငြိမ်သက်ချမ်းမြေ့ပါစေ၊ ငြိမ်သက်ချမ်းမြေ့ပါစေ ဆာ ၁၂၆၊ မျက်ရည်ဖြင့်ကြဲ၍ ပျော်ရွှင်စွာရိတ်သိမ်းခြင်း ၁၂၆:၁ ကြေညာချက်ထုတ်ပြန်သောအခါ ပြည်ပရောက်ယုဒလူများသည် လျှပ်စစ်မီးဖွင့်လိုက်သကဲ့ သို့အသိစိတ်ဓါတ်လင်းကြသည်။ လငပုတ်ဖမ်းရာမှ လွတ်လာသောလသို့နှယ် မျက်နှာဝင်းလက်သွားကြသည်။ ဖမ်းဆီးခေါ်ဆောင်လာသောကျေးကျွန်များအား ပါရှန်ဘုရင်ကုပရုမင်းက မိမိတို့နေရပ်ဌာနသို့ ပြန်ခွင့်ပြု လိုက်သည်။ ဟုတ်မှဟုတ်ပါလေ အိပ်မက်များလားဟုထင်မှတ်ပြုကြသည်။ နှစ်ပေါင်းကြာရှည်ကျွန်ခံကြသည် ဖြစ်၍ ယေရုရှလင်ကို ဘ၀တသက်ပြန်မြင်ရတော့မည်လားဟု အားငယ်ခဲ့ကြသည်။ ယခုမျှော်လင့်နေကြသည့် သတင်းကောင်းကြားသိကြရပြီ။ မရှိမဲ့ရှိမဲ့ ပစ္စည်းများစုဆောင်းနေကြပြီ။...