ဗျာဒိတ်ကျမ်း ၁၅

၁၅: အခြားကောင်းကင် နိမိတ်လက္ခဏာမှာ ရောဂါဆိုးဘေးဒဏ်ယူဆောင်လာသော ကောင်းကင်တမန်ခုနှစ်ပါး ပေါ်ထွန်းလာခြင်းဖြစ်သည်။ ဘုရားသခင်၏ အမျက်ဒေါသပြည့်စုံရာဖြစ်၍ ဘေးဒဏ်ကြီးကာလ ပြီးဆုံးတော့မည့် နိမိတ်ဖြစ်သည်။

          ၁၅: မီးနှင့် ဖန်ရောထားသော​ ကောင်းကင်ရေကန်တွင် လူအုပ်ကြီးရပ်နေကြောင်း တွေ့ရပြန်သည်။ ထိုသူများသည် သားရဲကိုးကွယ်ရန် ငြင်းပယ်ကြသူများ ဖြစ်ကြောင်း မှတ်မိသည်။ မာတုရ အသေခံသူများဖြစ်သည်မှာ သံသယရှိစရာမလို။

          ၁၅: ကောင်းကင်နိုင်ငံတွင် ရောက်ရှိနေကြသော်လည်း မောရှေသီချင်းကို သီဆိုကြသည်။ သိုးသူငယ်သီချင်းလည်း ဆိုကြသည်။ ဓမ္မဟောင်းကျမ်းကို ကိုးကား၍ သီချင်းစပ်ထားခြင်းဖြစ်သည်။  ဘုရားသခင်သည် ဖြောင့်မတ်စင်ကြယ်သူဖြစ်ကြောင်း၊ ဘုရားသခင်၏ ဘုန်းတန်ခိုးကြီးမြတ်သည့် အကြောင်း ချီးမွမ်းသီဆိုကြသည်။ ကိုယ်တော်၏ အပြစ်စီရင်ခြင်း၊ အမှုတော် ကြီးမြတ်ခြင်းနှင့် ကြီးမြတ်ပုံတို့ကို ကျူးဧခြင်းဖြစ်ပေမည်။ သန့်ရှင်းသူများ၏ ဘုရင်သည် လူမျိုးတကာတို့၏ ဘုရင်(KLJV Margin) ဖြစ်ပေသည်။

          မောရှေသီချင်းဆိုသည်မှာ အဲဂုတ္တုပြည် ကျွန်ဘဝမှ ရွေးနှုတ်ခြင်းအား ဖော်ကျူးခြင်းဖြစ်သည်။ သိုးသူငယ်သီချင်းဆိုသည်မှာ စာတန်လက်ထဲမှ နောက်ဘိတ်ဆုံး ရွေးနှုတ်၍ ထာဝရ အသက်ရစေခြင်းအကြောင်းဖြစ်သည်။ ထို့ကြောင့် A.T.Pierson က “ရွေးနှုတ်နှစ်ခါ ကြုံကြိုက်ခဲ့ကြသည်။ ဘုရားသခင်၏ သမိုင်းစဉ်တွင် အဖိုးအခ ပေးရသော လူမျိုးစုဖြစ်သည်”၂၇ ဟုဆိုထားသည်။

ဘုရားသခင်မှ လောကကြီးအား စီရင်ခြင်းသည် ဘုရားပီပီ စင်ကြယ်စွာဖြင့် စီရင်ခြင်းဖြစ်သည်။ ထို့ကြောင့် လူမျိုတိုင်းက ရှေ့တော်၌ ကိုးကွယ်ကြသည်။

၁၅: အထက်ပါမြင်ကွင်း တွေ့မြင်ရပြီးနောက် တဖန်မြင်ရသည်မှာ ဖွင့်ထားသော ဗိမာန်တော်ရှိ သက်သေခံတော်မူချက် ပဌာနတဲတော် ဖြစ်သည်။ ထိုတဲတော်သည် တကယ့်တဲတော်ဖြစ်၍ လောကဗိမာန်တော်မှ ပုံစံကူးယူရသောအရာ (ဟေဗြဲ ၉:၂၃) ဖြစ်သည်။ အသန့်ရှင်ဆုံးသော ဌာနတော်ကြီးဖြစ်သည်။

၁၅: ကောင်းကင်တမန် ခုနှစ်ပါးတို့သည် စင်ကြယ်ပြောင်လက်သော ပိုက်ဆန်အဝတ်ကို ဝတ်လျက်၊ ရင်၌ ရွှေရင်စည်းကို စည်းလျက် ဗိမာန်တော်ထဲက ထွက်လာကြသည်။ သူတို့ ချပ်ဝတ်တန်ဆာများသည်  ဘုရားသခင်၏ ဘုန်းတော်ထင်ရှားရာ ဖြောင့်မတ်ခြင်း၊ သွင်ပြင်လက္ခဏာ ဆင်မြန်းသည်။ ထိုကောင်းကင်တမန်များသည် ဘေးဒဏ်ခုနှစ်ပါး ယူဆောင်လာသူများဖြစ်သည်။

          ၁၅: သတ္တဝါလေးပါးထဲက တပါးသည် ရွှေဖလား တစ်လုံးစီအား ထိုကောင်းကင်တမန်များကို အသီးသီးပေးလိုက်သည်။ ထိုရွှေဖလားသည် အဘ ဘုရားသခင်၏ အမျက်ဒေါသ ထည့်ထားရာဖြစ်သည်။ သို့သော် ထိုကောင်းကင်တမန်များအား ဒုက္ခပေးခြင်း မဟုတ်။ ဘေးဒဏ်ကြီးကာလ၌ နောက်ဆုံးအပြစ်စီရင်မည့် ရန်သူများအား ပေးအပ်စေသည်။

          ၁၅: ထိုဘေးဒဏ်ဆိုးကြီးသည်  တန်ခိုးတော်ပါရှိသောကြောင့် အခိုးအငွေ့မပြယ်မချင်း ဗိမာန်တော်ထဲသို့ မည်သူမျှ မဝင်နိုင်ဆိုခြင်းမှာ ဘုရားသခင်၏ အမျက်ဒေါသကို မည်သည့်ယဇ်ပုရောဟိတ်မှ မငြိမ်သက်စေနိုင်ဟု ဆိုလိုခြင်းဖြစ်သည်။

Previous Article
Next Article