ယုံကြည်သူသမ္မာကျမ်းအနက်ဖွင့် – မြန်မာဘာသာ

The Believer’s Bible commentary စာအုပ်ကို အသက်ကြီး၊ ငယ်၊ ရွယ် လတ်မရွေး၊ ဂိုဏ်းဂနမကျမ်ခရစ်ယာန်တိုင်းနှင့် ဆီလျော်သင့်မြတ်အောင် ရေးသားထားသည်။ ကျမ်းစာအနက်ဖွင့်ကျမ်း မရှိလျှင် သမ္မာကျမ်းစာကို အသေအချာနားလည်ရခက်ပါသည်။ ဤကျမ်းစာ အနက်ဖွင့်ကျမ်းက ထိုအခက် အခဲကိုဖြေရှင်း ကျော်လွှားစေနိုင်ပါသည်။ ထိုထက်လည်း လေးနက်စွာ သင်ယူလိုစိတ်ဖြစ်ပေါ်စေမည်ဟု မျှော်လင့်ပါသည်။

စာအုပ်ကို ရိုးရိုးစင်းစင် စကားပြေဖြင့် ရေးသားထားပါသည်။ ေပါရာဏဝေါဟာရများနှင့် ခဲရာ ခက်ဆစ်စကားလုံးများကို ရှောင်ရှားထားပါသည်။ ယုံကြည်သူအများစုသည် သမ္မာကျမ်းစာအုပ်ကို အားရ နှစ်သက်တတ်ကြသည်။ ဤကျမ်းစာအုပ်သည် အနက်ဖွင့်ကျမ်းဖြစ်၍ ခက်ခဲနက်နဲသော ဝေါဟာရကို ရှောင်ကြဉ်သည်ဟုဆိုသော်လည်း မူရင်းကျမ်းချက်များကို လှီးဖြတ်ရန်လုပ်ထားခြင်းမပြုပါ။ ၂တိ၊ ၂:၁၅ ‘သမ္မာတရားကို မှန်ကန်စွာ ပိုင်းခြားတတ်သော ဆရာသမား ဖြစ်လျက် ဘုရားသခင်ရှေ့၌ ကိုယ်ကိုကိုယ် ဆက်သခြင်းငှါ ကြိုးစားအားထုတ်လော့’ ဆိုသည့် ကျမ်းချက်အတိုင်း ကျမ်းစာကို စနစ်တကျသေချာလေ့ လာရှုမှတ်ပြီး ကြိုးစားရေးသားထားပါသည်။ အနက်ဖွင်ဆိုချက်များ တိုတောင်းသည်။ ရှင်းလင်းလွယ်ကူ၍ လိုရင်းကို ထိမိသည်။ စာပိုဒ်များ ရှည်လျားထွေပြားခြင်းမရှိအောင် လိုရင်းတိုရှင်း ရေးထားသည်။ သမ္မာတ ရား၏ လေးနက်မှုကို ခေတ်လူများ နားလည်ခံစားနိုင်ရန် ခေတ်စနစ်နှင့် ဆီလျော်အပ်စပ်မှုရှိအောင်စီရင် ထားသည်။

မှတ်စုတွင်ခက်ဆစ်ဝေါဟာရများကို ရှင်းပြထားသည်။ ဝိဝါဒအယူအဆအမျိုးမျိုး ကွဲပြားနိုင် သဖြင့် ရှင်ပြချက်များကို နှိုင်းယှဉ်ဖော်ပြထားသည်။ စာဖတ်ပရိသတ်စိတ်တိုင်းကျ ရွေးချယ်နိုင်အောင် စီစဉ် ထားသည်။ သမ္မာကျမ်းစာပညာသည် ဆုံးခန်းတိုင်ခြင်းမရှိပါ။ နှုတ်ကပတ်တော်ကို မိမိလက်တွေ့ဘဝအ သက်တာ၌ အသုံးပြုရသည်။ ထို့ကြောင့် ဤစာအုပ်ကို ဖတ်ရှုသောစာဖတ်ပရိသတ်များသည် နှုတ်ကပတ် တော်၌ သစ်လွင်လန်းဆန်းသော အသက်တာသစ်ကို ရရှိခံစားကြမည်ဟု ယုံကြည်ပါသည်။

အနက်ဖွင့်ကျမ်းကို လေ့လာဖတ်ရှုခြင်းဖြင့် သမ္မာကျမ်းစာ တစ်အုပ်လုံးကို အလုံးစုံ သိရှိနား လည်မည်ဟုအာမမခံပါ။ နားလည်သိရှိသည်ဟု ခံယူသူရှိလျှင် ချောက်ကမ်းပါးထိပ်သို့ ရောက်ရှိနေသူဖြစ် ပါသည်။ အဘယ်ကြောင့်ဆိုသော် လူ့အသစ်ဉာဏ်မျှဖြင့် ဘုရားရှင်၏ နှုတ်ကပတ်တော်ကို အကုန်အစင် နားလည်နိုင်စွမ်းမရှိပါ။ သို့သော် မိမိတစ်ဦးတည် ဖတ်ရှုဆင်ခြင်သည့်အခါ သန့်ရှင်းသောဝိညာဉ်တော်အား ဆုတောင်းလက်ခံပါ။ ဝိညာဉ်တော်က ဆက်လက်ဦးဆောင်သွားပါမည်။

သမ္မာကျမ်းစာတွင် တန်ခိုးမှုတ်သွင်းထားသောကြောင့် ဖတ်ရှုနားလည်နိုင်ရန် သန့်ရှင်းသော ဝိညာဉ်တော်အကူအညီလိုအပ်ပါသည်။ သန့်ရှင်းသော ဝိညာဉ်တော်ပါရှိမှသာလျှင် အသေအချာနားလည် နိုင်သည်။ ထို့ကြောင့် သမ္မာကျမ်းစာကို ဖတ်လျှင် သန့်ရှင်းသော ဝိညာဉ်တော် အကူအညီရယူပါ။ အံ့ဩ ဘွယ်ကောင်လောက်အောင် သိမြင်လာပါလိမ့်မည်။

၁၉၅ဝ ခုနှစ်နောက်ပိုင်းကာလက ဧမောက်ကျမ်းစာသင်တန်းကျောင်း (ယခုတက္ကသိုလ်) တွင်သင်တန်းဆရာက သင်တန်းသားများကို ကျမ်းစာအနက်ဖွင့်ကျမ်းအား ပေါ့ပေါ့ဆဆသဘောမထားဖို့ သွန်သင်နေသည်။ ထိုစကားသည် နှစ်ပေါင်း (၅၀)ခန့်ကြာညောင်ခဲ့ပြီဖြစ်သော်လည်း နားထဲမှာကြား ယောင်နေဆဲ။ ထိုစဉ်က သွန်သင်တိုက်တွန်းပေးသော ဆရာမှာ ဤ Believer’s Bible commentary ကို စီရင်ရေးသားသူ William macDonald ဖြစ်သည်။ ထိုစဉ်ကသင်တန်သားထဲတွင်ဤကျမ်းစာထုတ်ဝေဖို့ ဘယ်ဒီတာအဖြစ်တာဝန်ယူရသော Arthur Farstad သည်လည်းမအူမလည်ကျောင်းသားသစ် တစ် ယောက်ဖြစ်ခဲ့သည်။ Farstad သည် Harry A. Ironside ရေးသားပြုစုသော In Heavenlies (Ephesians) အနက်ဖွင့် ကျမ်းစာအုပ်တစ်အုပ်တည်ကိုးသာ တစ်သက်တွင်တစ်ခါ ဖတ်ဖူးခဲ့ပါသည်။ ဆယ်ကျော်သက်ကာလ နွေညများတွင် ညစဉ်ညတိုင်း ထိုအနက်ဖွင့်ကျမ်းကို ဖတ်ရှုခဲ့သည်။

အနက်ဖွင့်ကျမ်းဆိုသည်မှာ

ကျမ်းရင်းမဟုတ်၊ ကျမ်းမူမဟုတ်သော ကျမ်းစာအနက်ဖွင့်ကျမ်းသည် မည်ကဲ့သို့သော စာအုပ်မျိုးဖြစ်သောကြောင့် အထင်အမြင်မသေးရမည်နည်း။ ယခုခေတ်ကာလတွင် ခရစ်ယာန်သမ္မာကျမ်း စာနှင့် နှီးနွယ်ပတ်သက်သော စာအုပ်အမျိုးအစားပေါင်း (၁၅)မျိုးရှိပါသည်။ ထိုအထဲတွင် ကျမ်းစာအနက် ဖွင့်ကျမ်းလည်းတစ်မျိုးပါဝင်သည်။ အချို့က အနက်ဖွင့် ကျမ်းသဘောကို ဂဃနဏသေချာစွာနားမလည် ကြပါ။ ဥပမာ- ကျမ်းစာလာဝေါဟာရဒီပနီ၊ ကျမ်းစာအဘိဓါန်၊ ကျမ်းစာအညွန်းမြေပုံစာအုပ်၊ ကျမ်းချက်၏ အနှစ်သာရဖော်ထုတ်ခြင်း အစရှိသဖြင့် အမျိုးမျိုးရှိသည်။

ကျမ်းစာအနက်ဖွင့်ကျမ်းသည် ကျမ်းစာသား၏ အနှစ်သာရကို ပိုမိုသိရှိနားလည်အောင် ပံပိုးသောစာအုပ်ဖြစ်သည်။ ကျမ်းပိုဓ်အလိုက်သော်၎င်း၊ ကျမ်းပုဒ်အလိုက်သော်၎င်း၊ ရေးသားချင်ရေးသား မည်။ အချို့ခရစ်ယာန်များက မူရင်းသမ္မာကျမ်းစာဖတ်ရှုခြင်းကို သာအားရသည်ဟုပြောကောင်းပြောကြ မည်။ ကောင်းပါသည်။ သို့သော်မလုံလောက်ပါ။ အနက်ဖွင့်ကျမ်းကကျမ်းပိုဒ်တိုင်၏ သွန်သင်ချက်နှင့် ဆို လိုရင်းကို သမ္မာစာကျမ်းနောက်ခံသမိုင်းဖြင့် အထောက်အကူပေးထားသည်။ နှုတ်ကပတ်တော်သွန်သင် ချက်များအား အများနားလည်လွယ်အောင် အကျယ်ချဲ့ဖွင့်ပြခြင်းဖြစ်သည်။ အချို့အနက်ဖွင့်ကျမ်း (ဥပမာ- Ironside’s) သည်စာပေသဒ္ဒါတကျမှုကို အသားပေးထားသော်ငြားလည်း အင်္ဂလိပ်ဘာသာစကား အသုံးပြု သူများအတွက် သမ္မာကျမ်းစာပြီးလျှင် လူကြီးလူငယ်မရွှေးလက်စွဲအပ်သော အကောင်းဆုံးကျမ်းတစ်စောင် ဖြစ်သည်။ သို့သော်ထိုစာအုပ်ထုတ်ဝေသည့် နှစ်ကာလကြာညောင်းလာသောအခါ၊ ရှားပါး၍ ရှာဖွေရရှိရန် မလွယ်တော့ပါ။ အခြားဘာသာစကားသုံးသူများအတွက် ကျမ်းစာကို လွယ်လင့်တကူသဘောမပေါက်နိုင် ကြ။ ထိုအခက်အခဲပြဿနာများကို Believer’s Bible Commentary ကဖြေရှင်းပေးထားပါသည်။

အနက်ဖွင့်ကျမ်းအမျိုးမျိုး

သမ္မာကျမ်းစာကို စနစ်တကျ ယထာဘူတကျကျစိတ်ပါဝင်စားလေ့လာသူတိုင်း အနက်ဖွင့် ကျမ်းရေးနိုင်ကြပါသည်။ ထို့ကြောင့် တစ်ဖက်စွန်းစွဲမရောက်စေဘဲ၊ လူတိုင်းလက်ခံနိုင်သည့် မယုတ်မလွန် မဇ္ဈိမလမ်းစဉ်ကိုလိုက်နာသည့် BBC အဖွဲကရှေးရိုးလည်းမစွန့်၊ လွတ်လပ်သောအတွေးအခေါ်လည်းမပယ်၊ မယုတ်မလွန်လမ်းစဉ်ဖြင့် ရေးသားပြုစုထားပါသည်။ သမ္မာကျမ်းစာသည် ဘုရားသခင်၏ နှုတ်ကပတ် တော် အမှန်ဖြစ်ကြောင်းနှင့် ယုံကြည်သည့်အတိုင်း လက်တွေ့လိုက်နာကျင့်ကြံအပ်ကြောင်းခံယူထားပါ သည်။

အနက်ဖွင့်ကျမ်းကို စာပေသဒ္ဒါအဆင့်မြင့်မြင့် (ဂရိဟေဗြဲဝါကျဖွဲ့စည်းပုံ)နှင့် အလင်္ကာ မြောက်အောင်ရေးထားကြသည်။ BBCသည် ထိုနည်းအတိုင်းရေးသားပါသည်။ အချို့ဝေါဟာရများသည် သီးခြားဘာသာရပ်ဆိုင်ရာစကားလုံးဖြစ်သောကြောင့် အောက်ခြေမှတ်စုတွင်ရှင်းပြထားသည်။ သို့သော်မူ ရင်းစကားလုံးကို မထိခိုက်အောင် ဂရုစိုက်ထားသည်။ Mr. Mac Donald ၏ ရှင်းလင်းဖော်ပြချက်သည် အထူးကောင်းမွန်၍ ရသမြောက်သည်။ ပန်းရုံတောတွင် ပန်းမျိုးကြဲဖို့ သာမဟုတ်သီးပွင့်ဝေဆာ၍ ပန်းတိုင် လှရန်ဖြစ်သည်။ အနိမ့်ဆုံးမှာ ဂိုဏ်ဂနများကိုလည်း တပည့်တော်ဖြစ်စေလိုသည်။

ကျမ်းစာအနက်ဖွင့်ကျမ်းကု မည်သည့် ဂိုဏ်ဂနအယူအဆဖြင့် ရေးသားသနည်းဟု မေးတတ်ကြသည်။ ရှေးရိုးဝါဒီလား။ အလယ်အလက်လား။ protestant လား။ Roman catholic လား။ BBC သည် ရှေးရိုးအစဉ်အလာလည်းမပယ်၊ Protestant အယူအဆကိုလည်းအလေးထား၊ ခရစတော်မ မွေးဖွားမီကာလအဖြစ်အပျက်များကိုလည်း ယုံကြည်လက်ခံပါသည်။

ဤအနက်ဖွင့်ကျမ်းကို မည်သို့အသုံးပြုရမည်နည်း

BBC ကျမ်းကို ချဉ်းကပ်နည်းများစွာရှိပါသည်။ အောက်ပါနည်းလမ်းများအတိုင်းချဉ်းကပ်ရန် အကြံပေးလိုပါသည်။

အကြမ်းဖျင်းစာမြည်းခြင်း။ သမ္မာကျမ်းစာကို ကြိုက်၍ဖြစ်စေ၊ အကြောင်းတစ်မျိုးမျိုးကြောင့် ဖြစ်စေ၊ ဤစာအုပ်ငို ဟိုလှန၊ ဒီလှန်၊ ဟိုတစ်ပိုင်း၊ ဒီတစ်ပိုင်း၊ ဖတ်ကြည့်ပါ။ နေရာတိုင်းတွင် သင့်နှလုံးသား အဟာရကို ဖြည့်စွမ်းပေးနေကြောင်း တွေ့ရပါလိမ့်မည်။

စာပိုဒ်အလိုက်သေချာစွာဖတ်ခြင်း။ ကျမ်းပိုဒ်နှင့် ကျမ်းပုဒ်တွင် မရှင်းလင်းသောကြောင့် အကူအညီလိုကောင်းလိုမည်။ ထိုအချိန်မျိုးတွင် ဤအနက်ဖွင့်ကျမ်းကို သတိရလိုက်ပါ။ ဤစာအုပ်သည် သင်၏မိတ်ဆွေကောင်းဖြစ်သွားပါလိမ့်မည်။

အယူဝါဒ။ ဖန်ဆင်းခြင်း၊ ဥပုသ်နေ့၊ ပညတ်တရား၊ ခေတ်ကာလအပိုင်းအခြားသို့မစုတ် ကယ်တင်ခြင်းကို လေ့လာလိုလျှင်လည်း၊ ဘာသာရပ်အလို်ကသီးသန့်ဖော်ပြထားသည်။ မာတိကာဇယား ထဲတွင် ခေါင်းစဉ်အလိုက်ရေးထားပါသည်။ ကျမ်းပိုဒ်၏ အဓိကသော့ချက် စကားလုံးများကို အထောက်အ ကူပြုနိုင်အောင်၊ ခေါင်းစဉ်အား မှင်အထူဖြင့် အသားပေးပုံနှိပ်ထားပါသည်။

သမ္မာကျမ်းစာ။ ကျမ်းစာသင်တန်းတါင်ဖြစ်စေ၊ အစီအစဉ်တစ်ခုခုတွင်ဖြစ်စေ၊ ကျမ်းစာတစ် အုပ်အဖြစ်ကိုင်တွယ်နိုင်သည်။ (ဆွေးနွေး ဝေငှခြင်းပြုနိုင်ပါသည်။) အပတ်စဉ်တိင်းလေ့လာဖတ်ရှုလျှင် လုံ လောက်ပြည့်စုံသည် (အကယ်၍ ဦးဆောင်သူက BBC စာအုပ်ကို ကိုင်ဆောင်လျှင် အထောက်အကူဖြစ် စေရန် အခြားစာအုပ်ကို ကိုင်ဆောင်ကိုးကားပါ)။

စာတစ်အုပ်လုံး၊ ခရစ်ယာန် သမ္မာကျမ်းစာအုပ်ကို ဖတ်ရှုသကဲ့သို့ ကိုင်တွယ်ဖတ်ရှုအပ် သောစာအုပ်ဖြစ်သည်။ လေးနက်သည်။ ဂရုတစိုက်ဖတ်ရာသည်။ ရှေးမူမပယ် ခေတ်မီအောင်ရေးသားပြုစု ထားသောကြောင့် သမ္မာကျမ်းစာလေ့လာရာတွင် အထောက်အကူများစွာပေးလိမ့်မည်ဟု ယုံကြည်ပါသည်

စတင်လေ့လာစဉ်တွင် ဖွယ်တေတေ ဂျုံမှုန့်ကြမ်းကဲ့သို့ဖြစ်ချင်ဖြစ်မည်။ သို့သော် တစိမ့်စမ့် ဝါးစားသောအခါချောကလက် အရသာတွေ့လိမ့်မည်။ အာဟာရဓါတ်ကြွယ်ဝသော ဘောဇဉ်ဖြစ်သည်။ လွန်ခဲ့သော နှစ်(၅၀)ခန့်က Mr. Mac Donald က ‘ အနက်ဖွင့်ကျမ်းကို ခပ်ပေါ့ပေါ့သဘော မထားနှင့်’ ဟု ဩဝါဒပေးဖူးသည်။ New king james version ပြုစုအပ်သော ဓမ္မဟောင်းနှင့် ဓမ္မသစ် အနက်ဖွင့်ကျမ်းကို မြိန်ရေယှက်ရေ မြည်းစမ်းသုံးဆောင်ခွင့် ရလေပြီ။ အသင်စာရှုသူလည်း မြည်းစမ်းကြည့်လှည့်ပါဦး။

ဓမ္မသစ်ကျမ်းရေးသူများ