ဓမ္မဟောင်းကျမ်း
၃။ အကျင့်စာရိတ္တဆိုင်ရာ သုတ္တံစကား (၁၀:၁–၂၂:၁၆) ဤနေရာမှစ၍ ရှေ့ဆက်ကျမ်းပိုဒ်များသည် ဖတ်ရှုသိရှိရုံမျှသာ မဟုတ်ဘဲ့၊ တွေးတောဆင်ခြင်၍ ဘဝအသက်တာတွင် အသုံးချဖို့ မှာထားသည်။ ၁၀:၁ မှ ၂၂:၁၆ တွင် သုတ္တံစကားပေါင်း (၃၇၅) ပါရှိသည်။ ကျမ်းပိုဒ်တခုတိုင်းတွင် ထူးခြားလေးနက်မှုရှိသည်။ ကျမ်းပိုဒ်အများစုသည် ကျမ်းပိုဒ်တစ်ခုတည်းတွင် “သို့သော်” ဟူသော စကားလုံးခံလျက် အဆိုစကားနှင့် ဆန့်ကျင်ဘက်အား တွဲထားသည်။...
၁၁:၁ မသမာသောဈေးသည်များသည် ချိန်ခွင်အလေး(၂)ခု ကိုင်သည်။ ကုန်ရောင်းသောအခါ အလေးတခုသုံး၍၊ ဝယ်သောအခါ နောက်အလေးတမျိုး သုံးကြသည်။ ကုန်ဝယ်ရာတွင် သုံးသောအလေးသည် ရောင်းရာတွင် သုံးသောအလေးထက်လေးသည်။ ကုန်ရောင်းရာတွင် သုံးသောအလေးသည် ကုန်ဝယ်ရာတွင်သုံးသော အလေးထက်ပေါ့သည်။ သို့ဖြင့် စားသုံးသူများသည် တန်ရာတန်ကြေးပစ္စည်း မရကြ။ ၁၁:၂ မာနထောင်လွှားခြင်းက အရှက်ကွဲခြင်းဖြစ်သည်။ ကျဆုံးစေသည်။ စိတ်နှလုံးနှိမ့်ချ အောက်ကျို့သူများသည် မင်္ဂလာရှိ၏။ ထိုသူများသည် ပညာရှိသူများဖြစ်၍...
၁၂:၁ တိုးတက်ကြီးပွားချင်သူများသည် သူတပါး ပဲ့ပြင်ဆုံးမခြင်းသွန်သင်ခြင်းကို လိုလားစွာ လက်ခံကြသည်။ ထိုကဲ့သို့မဟုတ်ဘဲ့ သူတပါးဆုံးမခြင်းကို မထီမဲ့မြင်ပြုသူများသည် လူမိုက်လူဗလ ဖြစ်သည်။ ၁၂:၂ စိတ်သဘောထားပြည့်ဝ၍ ကိုယ်ကျင့်တရားကောင်းမွန်သူများသည် ဘုရားသခင်၏ စိတ်တော်နှင့်ထိတွေ့သူများ ဖြစ်သည်။ လူမိုက်၏ လုပ်ဆောင်သမျှသည် သူ့အား ပြန်လည်တရားစီရင်မည့် အမှုအရာများ ဖြစ်သည်။ Foreman က” စကြဝဠာ အရှင်သခင်က မတရားသောသူများကို မုန်းတီးသည်။ မတရားသူကို...