ဟေရှာယအနာဂတ္တိကျမ်း ၁၉
၇။ အဲဂုတ္တုအမျိုး(အခန်း၁၉-၂၀) ၁၉:၁-၃ ဘုရားသခင်ကအဲဂုတ္တုပြည်အားတရားစီရင်သောအခါရုပ်တုဆင်းတုများတုန်လှုပ်မည်။ အဲဂုတ္တုပြည်သူပြည်သားများ၏စိတ်နှလုံးသည် ထိုရုပ်တုများထဲတွင်အရည်ပျော်ဝင်သွားကြမည်။ စစ်မီးငြိမ်းသွားသောအခါ လူတို့၏အသိဉာဏ်ဦးနှောက်ထက်မြက်ခဲ့သမျှသည်အချည်းနှီးဖြစ်ကြောင်း အသိတရားရရှိကြမည်။ ပြုစားခြင်းနှင့်မှော်အတတ်ပညာများသည်လည်းပ ပျောက်ကုန်မည်။ ၁၉:၄-၁၀ ရက်စက်ကြမ်းကြုတ်သောမင်းများကတိုင်းပြည်အုပ်ချုပ် လာကြမည်။ မိုးခေါင်သဖြင့်အစိုဓာတ်ခမ်းခြောက်မည်။ ရေအလုံလောက် မရရှိကြသဖြင့်သီးနှံများပျက်စီးမည်။ ယက္ကန်း သည်နှင့်အထည်အလိပ်စက်ရုံ များအလုပ်လက်မဲ့ဖြစ်ကြမည်။ တံငါသည်များပိုက်ကွန်ချစရာရေရှာတွေ့ မည်မဟုတ်။ ပြည်သူများငတ်မွတ်ဆူပူကြမည်။ အုပ်စိုးသူမင်းကလည်းမ ဖြေရှင်းနိုင်သဖြင့်အကြမ်းနည်းဖြင့်ငေါက်ငမ်းအုပ်ချုပ်မည်။ ၁၉:၁၁-၁၅ ဖာရော့ဘုရင်၏အကောင်းဆုံးအကြံပေးအရာရှိ၊မင်းတိုင်အမတ်များ၊ဇောနမင်းနှင့်နောဖမင်းများကလည်းအကြံဉာဏ်မပေးနိုင်။ ဉာဏ်ပညာမမီကြ။ အကြံဉာဏ်မထွက်။ ထို့ကြောင့်အဲဂုတ္တုပြည်၏အခြေအ...