၂။ ဒါဝိဒ်၏ သစ္စာခံနောက်လိုက်များ (အခန်း၁၂) အခန်း၁၁ မှ သူရဲကောင်းများသည် ဒါဝိဒ်မင်းသို့ ပုဂ္ဂိုလ်ရေးအရ သစ္စာစောင့်သိ အကျိုးပြုသူများဖြစ်သည်။ အခန်း(၁၂) ပုဂ္ဂိုလ်များသည် တိုင်းပြည်နှင့် လူမျိုးအကျိုးဆောင်သူများဖြစ်သည်။ ဒါဝိဒ်မင်းတောခိုပုန်းရှောင်စဉ်တွင် ပတ်သက်ရာပတ်သက်ခဲ့သော လူမျိုးများအမည်စာရင်းကို အခန်း(၁၂) တွင် ရေးမှတ်ထားသည် (ငယ် ၁-၂၂)။ ဣရှဗောရှက်သေဆုံးပြီး ဟေဗြုန်သို့ ပြန်လာချိန်တွင် ပတ်သက်သူများကို (ငယ်၂၃-၄၀)တွင် ဖော်ပြထားသည်။...
(ခ) ယေရုရှလင်သို့ ပဋိညာဉ် သေတ္တာသယ်ဆောင်ခြင်း (အခန်း ၁၃–၁၆) ၁၃:၁–၈ ဒါဝိဒ်မင်း ပထမဆုံးအကြိမ် ပဋိညာဉ်သတ္တောသယ်ဆောင်ရန် ကြိုးပမ်းချက်ဖြစ်သည်။ လောလောလတ်လတ် နန်းတော်သစ် သို့ ဘုရားသခင်၏ ပဋိညာဉ်သေတ္တာတော် စိုးစံစေချင်သည်။ ရှောလုမင်း လက်ထက်တွင် ပဋိညာဉ်သေတ္တာ ကို ဖုတ်လေသည့်ငါးပိ ရှိသည်ဟု မအောက်မေ့ခဲ့။ ဖိလိတ္တိတို့ လက်ထဲသို့ ကျရောက်ခဲ့ပြီး (၇)လ အကြာတွင်...
၁၄:၁–၂ ဣသရေလအမျိုးသားလုံး၏ အရှင်အဖြစ် ဒါဝိဒ်မင်းအုပ်စိုးသောအခါ တုရုဘုရင် ဟိရံမင်း က ဒါဝိဒ်မင်းအား နန်းတော်ဆောက်လုပ်ရန် လက်မှုပညာသည်များနှင့် ကုန်ကြမ်းပစ္စည်းများ ကူညီသည်။ ထိုမင်းနှစ်ပါးသည် ထိုကာလမှစ၍ ကာလရှည်ကြာမိတ်ကောင်းဆွေမွန် ဖြစ်လာကြရာ သားတော်ရှောလမုန်မင်းတိုင်အောင် တည်တံ့သွားသည်။ ၁၄:၃–၇ တဖန် ဒါဝိဒ်မင်း သည် မိဖုရားအများအပြား ကောက်ယူပြန်သည်။ မိန်းမအများအပြားယူခြင်းကို တရား ၁၇:၁၇ တွင် တားမြစ်ထားပြီးဖြစ်သည်။...