၂၄:၁–၂ မတရားသောသူများကို ငြူစူခြင်း၊ အတုယူခြင်းသည် ဉာဏ်ပညာမဟုတ်။ ထိုသူများနှင့်လည်း အပေါင်းအသင်းမလုပ်ရ။ အခြားသူများကို သူတို့နှင့်တန်းတူဟု သဘောထားတတ်ကြသည်။ မည်ကဲ့သို့သော တန်းတူသနည်း။ သူတပါးဆင်းရဲဒုက္ခရောက်အောင် ပျက်စီးအောင် အမြဲတန်း ကြံဆောင်သည်။ သူတပါးမျက်ရည်ကျမှ ထမင်းစားမြိန်သူများ ဖြစ်သည်။ ၂၄:၃–၄ အိမ်ဆိုသည်မှာ လူ့ဘဝအသက်တာကို ဆိုလိုသည်။ အောင်မြင်သောအိမ်ကြီးဂေဟာကို ဆိုးယုတ်ခြင်းဖြင့် မတည်ဆောက်နိုင်။ ဘုရားကိုသိကျွမ်းခြင်း အသိဉာဏ်ဖြင့်သာ တည်ဆောက်နိုင်သည်။ မတရားမှုက...
၅။ ဟေဇကိ၏ လူများစီရင်သော သုတ္တံစကား (၂၅:၁–၂၉:၂၇) ၂၅:၁ ရှောလမုန်စီရင်ရေးသားသော အခန်းကြီး ၂၅-၂၉ ကို နှစ်အတန်ကြာတွင် ယုဒဘုရင်ဟေဇကိမင်းက ကူးယူထားသည်။ အဖိုးတန် သုတ္တံစကားပေါင်း (၁၄၀)ခန့်ရှိ၍ ဟေဗြဲကျမ်းမူတွင် ဟေဇကိမင်း၏ သုတ္တံစကားဟု ရေးထားသည်။ ၂၅:၂ ဘုရားသခင်၏ ဘုန်းတန်ခိုးတော်သည် နက်နဲသိမ်မွေ့လှပါသည်။ ဘုရားသခင်၏ ဖန်ဆင်းခြင်းအမှုတော်၊ နှုတ်ကပတ်တော်များနှင့် ကျွေးမွေးစောင့်ရှောက်မှုများကို ဆင်ခြင်လျှင်...
၂၆:၁ နွေရာသီနှင့်ဆီးနှင်း၊ စပါးရိတ်သိမ်းချိန်နှင့်မိုးရေ မအပ်စပ်။ ထိုကဲ့သို့ပင် လူမိုက်များသည်လည်း ချီးမွမ်းခြင်းမထိုက်။ အဘယ်ကြောင့်ဆိုသော် စိတ်သဘောထားအရဖြစ်စေ၊ ကိုယ်ကျင့်တရားအရဖြစ်စေ လူရာဝင်သူများမဟုတ်။ လူမိုက်ချီးမွမ်းခြင်းသည် အရူးဘုံမြောက်ခြင်း ဖြစ်သည်။ ၂၆:၂ ဇရက်နှင့်စာကလေးများသည် လေထဲမှာ ပျံသန်းကြသော်လည်း အကြောင်းမရှိဘဲ၊ သင့်ထံသို့ မရောက်လာနိုင်။ ထိုကဲ့သို့ပင် အကျိုးအကြောင်းတစုံတရာ ပတ်သက်မှုမရှိဘဲ၊ ကျိန်ဆဲစရာအကြောင်းမရှိ။ သို့သော် ကျိန်ခံမထိုက်လျှင် ကျိန်စာမသင့်နိုင်။ ဗာလမ်သည် ဣသရေလလူမျိုးကို...